Республика бўйича аҳолига энг арзон 1 куб метр тариф қиймати Тошкент шаҳрида 400 сўмдан, энг қиммати эса Навоий вилоятида 3 минг сўмдан етказиб берилмоқда. Бу ҳақда саволга “Ўзсувтаъминот” акциядорлик жамияти бошқарма бошлиғи Бекзод Шоимов “Дарё” мухбирига берган қисқача интервьюсида айтиб ўтди.
Бекзод Шоимовнинг айтишича, Тошкент шаҳрига ичимлик суви Бўзсув канали орқали, Андижон вилоятига эса Кампировот сув омборидан ер сатҳининг фарқи ҳисобига ўзи оқар тарзида етказиб берилади.
“Шу боис мазкур ҳудудларда сув нархи арзон. Пойтахтда 1 литр сув 40 тийинни, Андижонда эса 75 тийинни ташкил этди.
Навоий вилоятида ичимлик суви истеъмолчиларга сув таъминотининг 70 фоиздан ортиғи Самарқанд вилоятидаги сув иншоотидан ичимлик сув қувурлари орқали етказиб берилади. Бунинг натижасида электр энергия камида 2 баробар кўп сарф этилади”, — деди “Ўзсувтаъминот” масъул ходими.
Маълумот учун, Марказий Осиёда ичимлик суви учун тўлов нархи энг юқори мамлакат Қозоғистон ҳисобланади. Мамлакатда ҳудудларга қараб аҳолига 1 куб метр сув учун 73 тенгедан (1 минг 905 сўм) 304 тенгегача (7 минг 934 сўм) белгиланган. Тожикистон аҳолисига 1 сомонидан (1 минг 61 сўмдан) 1,73 сомонигача (1 минг 835 сўм) нархда сув етказиб берилади.
Изоҳ (0)