Ўзбекистоннинг учта вилоятида ичимлик суви нархлари бирданига икки баробарга оширилмоқда. Жумладан, Қашқадарёда аҳоли учун 1 куб метр ичимлик сувининг нархи амалдаги 1 000 сўмдан 2 минг сўмга, Сурхондарёда 1 минг 150 сўмдан 2 140 сўмга, Тошкент вилоятида 950 сўмдан 1 минг 700 сўмга қимматлашмоқда.
Оширилган нархда бир нафар истеъмолчига ўртача ойлик тўлов қанчага тушади? Мазкур саволга “Ўзсувтаъминот” акциядорлик жамияти бошқарма бошлиғи Бекзод Шоимов жавоб берди.
Бекзод Шоимовнинг “Дарё”га тушунтиришича, сув истеъмолчиларига икки хил тартибда ҳисоб-китоб қилинади. Ҳисоблагич ўрнатган ва ҳисоблагич ўрнатмаган истеъмолчи.
Республикада 1 куб метр ичимлик суви учун ўртача тариф аҳоли истеъмолчилари учун 1 минг 384 сўм, бюджет ташкилотлари учун 2 минг 851 сўм ва бошқа улгуржи истеъмолчиларга 3 минг 187 сўм, 1 куб метр канализация хизматлари бўйича ўртача тариф аҳоли истеъмолчилари 888 сўм, бюджет ташкилотларига 1 минг 669 сўм ва бошқа улгуржи истеъмолчиларга 2 минг 1 сўмни ташкил қилади.
Маълумот учун, “Ўзсувтаъминот” жамияти ахборот хизмати ичимлик суви нархларини белгилашда тоифаланган тўлов тизими яъни кўпроқ ишлатган кўп тўлаш тизими жорий этилмаслигини маълум қилган эди.
Эслатиб ўтамиз, Тошкентда нафақат ичимлик суви, балки оқар сув ҳам 2024 йил 1 январдан пуллик бўлиши белгиланди.
Изоҳ (1)
Nega oshyapti suvni narxi oshmagani yaxshidi xalq u.n