Самарқандда йўловчи ташувчи автобус бир гуруҳ шахслар томонидан тошбўрон қилингани ҳақида хабар берилган эди. Вилоят ИИБ ахборот хизмати ҳолат тафсилотларини очиқлади.
Унга кўра, 28 июль куни соат тахминан 14:00 да Жиззах вилояти “Ғаллаорол” тумани ҳудудидан ўтувчи М-37 автомобиль йўлида вилоятлараро йўловчи ташувчи автобус ҳайдовчиси, у билан бир йўналишда ҳаракатланиб кетаётган Damas ҳайдовчиси йўлига чиқиб кетиши оқибатида ҳайдовчилар ўзаро йўл талашиб, тортишиб қолган.
Шундан сўнг, Damas ҳайдовчиси Й.Ш. автомашинасини бошқариб, Самарқанд вилояти Оқдарё тумани “Ойтамғали” маҳалласи ҳудудидан ўтган М-37 автомобиль йўлида, танишлари билан автомобиль йўлини тўсиб, автобусни ҳаракатланишига йўл қўймасдан, автобусга шикаст етказган.
Ҳодисада ҳеч ким жароҳат олмаган. Ҳолат юзасидан вилоят ИИБ томонидан ўрганиш ишлари олиб борилиб, ушбу ҳолатда иштирок этган барча шахслар аниқланиб, ушланган.
Ҳозирда ҳолат юзасидан терговга қадар текширув ҳаракатлари олиб борилмоқда. Ўрганишлар якуни билан ушбу ҳолатда иштирок этган барча шахсларнинг ҳаракатларига ҳуқуқий баҳо берилади.
Ҳолат юзасидан 14 нафар шахсга нисбатан 15 суткадан маъмурий тартибда қамоқ жазоси тайинланди.
Ҳозирда ҳолат юзасидан қўшимча ўрганиш ишлари олиб борилмоқда.
Изоҳ (1)
Tala-to'p qimanglar