Samarqandda yo‘lovchi tashuvchi avtobus bir guruh shaxslar tomonidan toshbo‘ron qilingani haqida xabar berilgan edi. Viloyat IIB axborot xizmati holat tafsilotlarini ochiqladi.
Unga ko‘ra, 28-iyul kuni soat taxminan 14:00 da Jizzax viloyati “G‘allaorol” tumani hududidan o‘tuvchi M-37 avtomobil yo‘lida viloyatlararo yo‘lovchi tashuvchi avtobus haydovchisi, u bilan bir yo‘nalishda harakatlanib ketayotgan Damas haydovchisi yo‘liga chiqib ketishi oqibatida haydovchilar o‘zaro yo‘l talashib, tortishib qolgan.
Shundan so‘ng, Damas haydovchisi Y.Sh. avtomashinasini boshqarib, Samarqand viloyati Oqdaryo tumani “Oytamg‘ali” mahallasi hududidan o‘tgan M-37 avtomobil yo‘lida, tanishlari bilan avtomobil yo‘lini to‘sib, avtobusni harakatlanishiga yo‘l qo‘ymasdan, avtobusga shikast yetkazgan.
Hodisada hech kim jarohat olmagan. Holat yuzasidan viloyat IIB tomonidan o‘rganish ishlari olib borilib, ushbu holatda ishtirok etgan barcha shaxslar aniqlanib, ushlangan.
Hozirda holat yuzasidan tergovga qadar tekshiruv harakatlari olib borilmoqda. O‘rganishlar yakuni bilan ushbu holatda ishtirok etgan barcha shaxslarning harakatlariga huquqiy baho beriladi.
Holat yuzasidan 14 nafar shaxsga nisbatan 15 sutkadan ma‘muriy tartibda qamoq jazosi tayinlandi.
Hozirda holat yuzasidan qo‘shimcha o‘rganish ishlari olib borilmoqda.
Izoh (1)
Tala-to'p qimanglar