Ко′пчилик ёзда кўпроқ вақтимизни ташқарида ўтказиб, оғир овқатларни камроқ истеъмол қилганимиз ҳисобига ҳаммамиз озамиз, деб ўйлайди. Рационимизда сархил мева ва сабзавотлар пайдо бўлади, айниқса, жазирама кунларда овқат ўрнига муздек ичимликлар ичишни яхши кўрамиз. Бундай ҳавода тарвуз ва қовун ҳам яхши кетади. Бироқ айрим инсонлар аксинча, иссиқда иштаҳа очилишини кузатади. 
Иссиқда метаболизм тезлашгани ҳисобига овқатланиш истаги пайдо бўлиши мумкин. Кўп терлаш ва термомувозанат билан ҳисоблашишга уринаётган организм кўп калория сарфлайди, бу эса нимадир ейиш истагини уйғотади.
Мутахассислар эса, иссиқда кучаяётган иштаҳа ўз организми эҳтиёжларини тушунмаслик оқибатида келиб чиқишини таъкидламоқда. Аксарият инсонлар очлик ва ташналикни адаштириб юборади. Бунинг оқибатида эса балансни нотўғри йўл билан қайта тиклашга уринади.
Агар жазирама иссиқда ўзингизни оч қолгандек ҳис қилсангиз, бир-икки стакан хона ҳароратидаги сув ичиб кўринг. Агар сув ичиб бўлганингиздан 15 дақиқа кейин ҳам нимадир егингиз келса, таом тановул қилишингиз мумкин.
Мавзуга доир
×![Lightbox Image]()
Изоҳ (0)