“Сиз қайси маҳсулотлардан тановул қиласиз?” деган савол ҳар қачонгидан ҳам долзарброқ. Диетологлар терининг эластиклигини узоқроқ сақлашга, ажинлар ва пигмент доғлари пайдо бўлишининг олдини олишга ёрдам берадиган 10 та ноёб маҳсулотни санаб ўтди!
Лавлаги
Нима қилади: организмни тозалайди. Лавлаги идеал абсорбент восита деб аталади ва уни мунтазам истеъмол қилиш терининг ҳолатига тезда таъсир қилади: ҳуснбузарлар йўқолади, юз ранги яхшиланади ва тери ҳужайралари кўпроқ кислород олади.
Қанча ейиш керак: кунига 1 дона етарли.
Петрушка
Нима қилади: терини ёшартирувчи ушбу маҳсулот глутатион ишлаб чиқаришни рағбатлантиради, шифокорлар глутатионни барча антиоксидантларнинг онаси деб атайди. Организмнинг глутатион ишлаб чиқариш хусусияти генетик жиҳатдан аниқланади. Яқинда ўтказилган тадқиқотлар шуни кўрсатадики, одамларнинг 30 фоизида глутатион фаоллиги етарли эмас.
Қанча истеъмол қилиш керак: кунига 3-4 та шохча.
Қовоқ уруғлари
Улар қандай вазифа бажаради: таркибидаги цинк туфайли уруғлар тери тошмасининг олдини олади, унинг эластиклигини оширади. Шунингдек, цинк эпидермис ҳужайраларини ултрабинафша нурланишидан ҳимоя қилади, ажинлар билан курашади.
Сизга қанча керак: кунига бир ҳовуч етарли.
Сариёғ
У нима қила олади: терини силлиқлайди, қизаришни камайтириб, эпидермиснинг оптимал сув мувозанатини сақлайди.
Қанча истеъмол қилиш керак: ҳафтасига бир ўрам сариёғ юз саломатлиги учун етади.
Ёғли балиқ
Нима қилиши мумкин: ёғ кислоталари яллиғланишга қарши хусусиятларга эга ва у тери, тирноқ ва сочнинг ҳолатини яхшилайди. Болалигимизда ҳаммамиз ёмон кўрган балиқ ёғи эса тери юзасини текислайди, майда ажинларни камайтиради. Тери парвариши учун энг яхши маҳсулотлардан бири!
Қанча тановул қилиш керак: ҳафтасига 300 грамм.
Какао
Какаонинг фойдаси: терини зарарли таъсирлардан ҳимоя қилади ва эпидермисдаги яллиғланишни камайтиради.
Қанча керак бўлади: кунига бир чой қошиқ какаони ичимлик сифатида ичишингиз ёки, масалан, йогурт ёки бўтқа устига сепиб тановул қилишингиз мумкин.
Бодом
Нима қила олади: ушбу маҳсулот терининг эластиклиги учун қонтомир деворларини мустаҳкамлайди ва росацеа(каппиляр томирларнинг кенгайиши)нинг олдини олади, чунки унинг таркибида аргинин моддаси мавжуд.
Қанча керак: кунига 10-15 дона бодом истеъмол қилиш етарли.
Томат пастаси
У нима қила олади: помидор таркибидаги ликопен бошқа кўплаб моддалардан фарқли ўлароқ яхши сўрилади ва иссиқлик билан ишлов бергандан кейин самаралироқ таъсир кўрсатади. Шунинг учун томат пастаси (томат шарбати ёки пюреси) янги помидордан кўра фойдалидир! Ликопен турли зарарлардан ҳимоя қилади ва кенг тарқалган энг яхши антиоксидант ҳисобланади.
Қанча керак: кунига 2 ош қошиқ томат пастаси ёки 1 стакан томат шарбати.
Лимон
Нима қилиши мумкин: токсинларни организмдан чиқариб ташлайди ва иммунитет тизимини, жумладан, терининг ҳимоя функцияларини рағбатлантиради.
Лимондан қанча истеъмол қилиш керак: терини ёшартирувчи ушбу маҳсулотни хоҳлаганча истеъмол қилишингиз мумкин.
Занжабил
Занжабилнинг фойдаси: яллиғланишни камайтиради, лимфа тугунлари фаоллигини оширади, шишларни кетқазади, терининг эластиклиги ва зичлигини тиклайди.
Қанча миқдорда тавсия этилади: кунига бир чой қошиқ майдаланган илдизни чойга қўшиб ичиш мумкин.
Изоҳ (0)