Машҳур актрисалар қизил гиламда кўзни қамаштирадиган чиройга эга бўлишади, бироқ улар фильмларда онаси танимайдиган даражада ўзгариши мумкин. Кўпинча улар рол учун макияждан воз кечишлари, соч турмакларини ўзгартиришлари ёки ҳатто ташқи кўринишини тубдан ўзгартирадиган гримларни қўллаши керак. Қуйида роли сабаб ташқи кўринишини тубдан ўзгартирган Голливуд актрисалари ҳақида маълумот берилади.
Никол Кидман
“Қасос” триллерида актриса партнёри учун жиноий тўда аъзоларидан ўч олишга уринаётган детектив Эрин Белл ролини ўйнади. Қаҳрамоннинг қиёфаси фильмнинг маъюс муҳитига жуда мос келади. Фильмда гўзал Николнинг кўзлари остида шишлар пайдо бўлганини ва юз териси носоғлом кўринишда эканини кўриш мумкин.
.jpg)
Сидней Суини
Яқинда ёга бўйича ўқитувчининг махфий ҳаётига бағишланган “Реалити” драмасида актриса ёрқин макияждан воз кечди. Унинг қаҳрамони доим сочларини йиғиштириб юради ва ҳаттоки қулоқларига зирак ҳам тақмайди.
Флоренс Пю
“Яхши инсон” фильмида актриса айбдорлик ҳисси ва тушкунлик билан курашаётган қиз ролини ўйнади. Флоренс вақт ўтиши билан ўзини тиклаш учун ҳаракат қилганда унинг образи қандай ўзгараётганини кўрсатиб беради. Актриса ҳатто узун сочларидан ҳам воз кечиб, кадрда ўз қўли билан кесиб ташлаган.
Марго Робби
“Шотландия қироличаси Мария” тарихий драмасини суратга олиш пайтида актриса юзига мураккаб грим қилинишига рози бўлган. Баъзи саҳналарда унинг териси бўр каби оқартирилган, бошқаларида чечакдан қолган чандиқлар кўрсатилган, улар қаҳрамоннинг бутун юзини қоплаб олган, шунингдек ёноқлари ва иягида сезиларли даражада кўп бўлган.
Рене Зеллвегер
Рене “Пем ҳақида” телевизион мини-сериалида ишлаётганда ҳар сафар ўз образини ўзгартириш учун кўп вақт сарфлаган. Актриса визуал равишда семизроқ кўриниш учун тўқилган костюм кийиб, ёноқларига юзининг тўлача эканини кўрсатувчи махсус воситалардан фойдаланган. Унинг сочлари кадрда тўзигандек кўриниши керак эди.
Ҳелен Миррен
2023 йилда Берлин халқаро кинофестивалида премьераси бўлган “Голда. Суд куни” фильмида актриса соч турмагини ўзгартириб, юзида грим ёрдамида ажинлар пайдо қилинишига рози бўлган.
Андреа Райзборо
“Лесли учун” драмасида Андреа ёлғиз она ролини ижро этди, у гиёҳвандликка ва пулни ўйламасдан сарфлашга мойил бўлади. Актриса кадрда макияжсиз, тўзиган сочлари ва шишган юзи билан кўриниш берган.
Холли Берри
“Зарбалар” фильми Холли Беррининг режиссёрлик дебюти. Шунингдек, у фильмда бош қаҳрамон — собиқ MMA спортчиси Жеки Жастис ролини ижро этди. Гримёрлар ёмон одатларга мойил чарчаган аёл образини яратиши ва қаҳрамоннинг юзида рингда олган жароҳат аломатларини кўрсатиб бериши керак эди.
Рики Линдхоум
“Катта портлаш назарияси” ва “Уэнздей” телесериалларидаги роллари билан танилган актриса “Бўри” қўрқинчли фильмида кичик шаҳарчада бир қатор жиноятларни тергов қилувчи полициячи ролини ўйнади. Жулия Робсоннинг қиёфасини яратиш учун у макияждан бош тортди ва сочларини оддий қилиб тугиб қўйди.
Лина Ҳиди
“Судья Дредд 3D” илмий-фантастик фильмида актриса асосий антагонист ролини ўйнади. Унинг қаҳрамони Мадилен Мадригал “Ма-ма” лақаби билан ҳам танилган, юзи чандиқли аёл бўлган ва нотекис кесилган сочлари тўзиган эди.
Натали Дормер
“Қўрқинчли эртаклар: Фаришталар шаҳри” фантастик сериалини суратга олиш жараёнида актриса ҳар сафар бошқача грим қилишига тўғри келди. Гап шундаки, унинг образи Магда исмли аёл турли кўринишга эга бўла олади. Образлардан бирини яратиш учун актриса юмалоқ кўзойнак тақиб, силлиқ жингалак парик кийган ва унинг юзида макияж бўлмаган.
Изоҳ (0)