TikTok қисқа видеосервисида матнли постлар яратиш функцияси қўшилди. Бу ҳақда компаниянинг расмий сайтида эълон қилинди.
“Матн — бу бизнинг контент яратиш имкониятларига энг сўнгги қўшимчамиз бўлиб, фойдаланувчиларга ҳикоялар, шеърлар, рецептларни бошқалар билан баҳам кўриш имконини беради”, — дейилади хабарда.
Матн режимида фойдаланувчилар хабар ёзиши, фон рангини ўзгартириши, товушлар, стикерлар, хештеглар қўшиши ва қоралама сақлаши мумкин.
Бу, ишлаб чиқувчиларнинг фикрига кўра, матнли хабарларни “динамик ва интерактив” қилади. Пост лимити мингта белгидан иборат.
Бошқа фойдаланувчилар, худди видеоларда бўлгани каби, постларга изоҳ қолдиришлари ва дуэт яратишлари мумкин.
Изоҳ (0)