Лазур қирғоғи университети олимлари GPS сигналларидаги кичик ўзгаришлар катта зилзилалар юз беришидан тахминан икки соат олдин прогноз қилишда ёрдам беришини аниқлади. Бу ҳақда Futurism хабар берди.
Мутахассисларга кўра, бунинг ёрдамида кўплаб одамларнинг ҳаётини сақлаб қолиш мумкин. Олимлар жамоаси етти ва ундан ортиқ магнитудали 90 та йирик зилзиладан олинган GPS маълумотларини таҳлил қилди ва олдинги фазанинг далилларини топди. Бу даврда тектоник плиталарнинг ёриқ чизиқлари силжий бошлайди, оқибатда кучли зилзилалар юзага келади.
Қайд этилишича, кучли зилзилаларни аниқ башорат қилишга бошқа уринишлар ҳам бўлган, аммо улар муваффақиятсизликка учраган. Бу кўп жиҳатдан олимларнинг ушбу сигналлар ва ҳақиқий сейсмик фаоллик ўртасидаги боғлиқликни тўлиқ тушунмагани билан боғлиқ. Калифорния университети сейсмологи Роланд Бюргманнинг сўзларига кўра, мазкур тадқиқотга ишонч ҳосил қилиш учун яна кузатув олиб бориш керак.
Изоҳ (0)