Associated Press агентлигининг хабар беришича, Греция ҳукумати ўрмон ёнғинлари остида қолган Родос оролидан 19 мингга яқин одамни эвакуация қилди.
Полиция маълумотларига кўра, оролдан 16 минг киши ҳаво орқали, яна 3 минг киши денгиз орқали чиқиб кетишга муваффақ бўлган. Гап 12 қишлоқ ва бир қанча меҳмонхоналарда яшаган одамлар ҳақида кетмоқда. Греция ҳукумати бу мамлакат тарихидаги энг йирик бундай операция эканини маълум қилди.
Ўрмон ёнғинларини жойларда 266 нафар ўт ўчирувчи 49 та махсус техника ёрдамида ўчиришга ҳаракат қилмоқда. Уларга ҳаводан ўнта самолёт ёрдам беряпти.
Греция сўнгги кунларда аномал жазирама тўлқинига дуч келди. Бу Родос ва мамлакатнинг бошқа қисмларида ўрмон ёнғинларига олиб келди.
Изоҳ (0)