Эрон ислом инқилоби қўриқчилари корпуси ҳарбий қўшинлари Shahed-149 дронининг модернизация қилинган версиясини тақдим этди деб хабар бермоқда IRNA. Агентлик маълумотларига кўра, дроннинг янгиланган версияси янги қўниш мосламаси тизими ва қурол осма блоки билан жиҳозланган.
IRNA маълумотларига кўра, Shahed-149 нинг биринчи версияси 2021 йилнинг май ойида тақдим этилган. Ушбу жанговар дрон бир парвозда 35 соатгача уча олади ва 7000 км масофани босиб ўтади.
2022 йилдан бери Ғарб давлатлари ва Украина бир неча бор Эронни Россияга дронлар етказиб беришда айблаб келади.
2022 йил июль ойида Қўшма Штатлар Россия Эрондан Shahed-191 ва Shahed-129 жанговар дронларини сотиб олиш имкониятини кўриб чиқаётгани ҳақида хабар берганди.
21 декабрь куни Украина президенти Владимир Зеленский Москва Теҳрондан Украина ҳудудига зарба бериш учун фойдаланиладиган 250 та камикадзе дронларини олганини айтди. Кейинчалик Эрон ташқи ишлар вазирлиги Эрон дронларини Россияга етказиб бериш фактини тан олди, аммо хабар қилинганидан “оз миқдорда” ҳамда Украинада ҳарбий ҳаракатлар бошланишидан бир неча ой олдин етказилганини таъкидлади.
Изоҳ (0)