Франция президенти Эммануэл Макрон илтимос қилганига қарамай, Жанубий Африкада бўлиб ўтадиган BRIKS саммитига таклифнома олмади.
BRIKS саммити бу йил Йоханнесбургдаги Сандтон конференция марказида бўлиб ўтади. У энг йирик саммитлардан бирига айланиши кутилмоқда: аллақачон 70 та давлат раҳбарларига таклифномалар юборилган.
“Аммо АҚШ, Буюк Британия ва Франция каби Ғарб давлатлари таклиф қилинмади. Франция президенти Эммануэл Макрон таклифнома сўраганига қарамай, у рад этилди”, — деб ёзди News24 нашри.
Жанубий Африканинг BRIKSдаги вакили, профессор Анил Суклал саммитга барча 54 та Африка давлати раҳбарлари таклиф қилинганини айтди.
Суклалнинг айтишича, кўплаб давлат раҳбарлари саммитда иштирок этишдан манфаатдор бўлгани сабабли Жанубий Африка президенти Сирил Рамафосага қўнғироқ қилиб, таклифнома сўраган.
Изоҳ (0)