Италия шимолида бир неча кунлик жазирамадан сўнг кучли дўл ёғди. Кўчаларда муз бўлаклари дарё бўлиб оқди.
The Guardian нашрининг ёзишича, Италия шимолидаги Ломбардия ва Венето ҳудудлари кучли дўлдан жабр кўрган.
Серенё (Ломбардия) кўчаларида кучли ёғингарчилик натижасида муз бўлаклари билан қопланган “дарёлар” пайдо бўлди. Ижтимоий тармоқларда тарқалаётган видеода биринчи қаватдаги пойабзал дўконининг эгаси сув ва музни ташқарига чиқариб, биноларни сақлаб қолишга уринаётгани, кимсасиз кўча бўйлаб муз бўлаклари сузаётганини кўриш мумкин.
Венетода ёғган дўлнинг диаметри 10 сантиметрга етди. Кучли дўл туфайли юздан ортиқ одам жабрланди. Ҳудуд губернатори Лука Зая фавқулодда ҳолат эълон қилди.
Изоҳ (0)