Жанубий Корея президенти Юн Сок Ёлнинг қайнонаси Чхве Ин Сун ҳужжатларни қалбакилаштириш иши бўйича ўқилган ҳукм устидан апелляцияси рад этилганидан сўнг ҳибсга олинди, деб хабар бермоқда Yonhap. Қарор ўқиб эшиттирилгандан кейин 76 ёшли Чхве Ин Сун ҳушидан кетган.
2021 йилда у Соннамдан ер участкаси сотиб олишда банк ҳужжатларини сохталаштирганликда айбланиб, бир йиллик қамоқ жазосига ҳукм қилинганди. Суд хулосасига кўра, аёл 34,7 миллиард вон (27 миллион доллар) миқдоридаги депозит сертификатини қалбакилаштирган.
Жанубий Корея раҳбарининг қайнонаси ўз айбини тан олмади ва апелляция берди. Суд буни рад этди.
2022 йил декабрь ойида Жанубий Корея Олий суди Чхве Ин Сунни ноқонуний нафақа олиш бўйича қўзғатилган бошқа бир ишда оқлаган. У лицензиясиз ишлайдиган қариялар уйини бошқарган. 2021 йилда суд уни уч йилга озодликдан маҳрум қилганди, аммо кейин ҳукм бекор қилинди, деб ёзганди Yonhap.
Изоҳ (0)