Қирғизистон президенти Садир Жапаровнинг жияни Улан Жапаров ҳибсда қолдирилди. Бу ҳақда 24.kg хабар берди.
Адвокат Улан Жапаровга нисбатан эҳтиёт чорасини ўзгартиришни илтимос қилган, бироқ Бишкек суди уни ҳибсда қолдиришга қарор қилган. Улан Жапаров 26 июлга қадар Бишкекдаги 1-изоляторда сақланади. Ҳибсга олиш тергов томонидан талаб қилинган.
Қирғизистон президентининг қариндоши коррупция бўйича 6 июль куни ҳибсга олингани маълум бўлганди. Мазкур ҳолат юзасидан Ички ишлар вазирлиги ҳузуридаги Тергов хизмати томонидан тергов ҳаракатлари олиб борилмоқда. Маълумотни Қирғизистон президенти матбуот хизмати раҳбари Дайирбек Орунбеков ҳам тасдиқлаган.
“Садир Жапаров аввалроқ таниш-билиш ва қариндош-уруғлигидан қатъи назар, ҳар ким ўз қилмиши учун қонун бўйича жавоб бериши ҳақида огоҳлантирганди”, — деган Орунбеков.
Изоҳ (0)