Janubiy Koreya prezidenti Yun Sok Yolning qaynonasi Chxve In Sun hujjatlarni qalbakilashtirish ishi bo‘yicha o‘qilgan hukm ustidan apellyatsiyasi rad etilganidan so‘ng hibsga olindi, deb xabar bermoqda Yonhap. Qaror o‘qib eshittirilgandan keyin 76 yoshli Chxve In Sun hushidan ketgan.
2021-yilda u Sonnamdan yer uchastkasi sotib olishda bank hujjatlarini soxtalashtirganlikda ayblanib, bir yillik qamoq jazosiga hukm qilingandi. Sud xulosasiga ko‘ra, ayol 34,7 milliard von (27 million dollar) miqdoridagi depozit sertifikatini qalbakilashtirgan.
Janubiy Koreya rahbarining qaynonasi o‘z aybini tan olmadi va apellyatsiya berdi. Sud buni rad etdi.
2022-yil dekabr oyida Janubiy Koreya Oliy sudi Chxve In Sunni noqonuniy nafaqa olish bo‘yicha qo‘zg‘atilgan boshqa bir ishda oqlagan. U litsenziyasiz ishlaydigan qariyalar uyini boshqargan. 2021-yilda sud uni uch yilga ozodlikdan mahrum qilgandi, ammo keyin hukm bekor qilindi, deb yozgandi Yonhap.
Izoh (0)