Шимолий Корея Сариқ денгиз томон бир нечта қанотли ракеталарни учирди, деб хабар бермоқда Yonhap агентлиги Жанубий Корея штаб бошлиқлари қўмондонлигига таяниб.
Қўмита маълумотларига кўра ракеталар эрталаб соат 4:00 (Тошкент вақти билан тунги 00:00) атрофида учирилган ва денгизга қулаган. Жанубий Корея ва АҚШ разведка идоралари ракеталар тури ҳақида кўпроқ маълумот олиш учун парвозларни таҳлил қилмоқда.
Сариқ денгиз Тинч океанида Жанубий Корея ва Хитой ўртасида жойлашган.
18 июль куни Шимолий Корея Япон денгизи йўналиши бўйича баллистик ракета учирганди, эртаси куни яна бир баллистик ракетани синовдан ўтказди.
Аввал мамлакат ушбу турдаги ракетани 12 июль куни учирган. Ракета Япониянинг эксклюзив иқтисодий зонасидаги Япон денгизига қулагани тахмин қилинмоқда. Бирлашган Миллатлар Ташкилоти ракета денгизда Россиянинг эксклюзив иқтисодий зонасига қулаганини хабар қилди. Россия Ташқи ишлар вазирлиги бу маълумотларни рад этди.
Шимолий Кореянинг БМТдаги доимий вакили Ким Сон Хавфсизлик кенгаши йиғилишида сўзлаган нутқида ракета синовлари мамлакатнинг ўзини ўзи мудофаа қилиш ҳуқуқига мувофиқ амалга оширилаётганини айтди.
Изоҳ (0)