Озарбайжон президенти Илҳом Алиев 2023 йил охиригача Арманистон билан тинчлик шартномаси имзоланиши мумкин, деб ҳисоблайди.
“Агар Арманистон Озарбайжонга қарши ҳар қандай ҳудудий даъволаридан воз кечса, йил охиригача тинчлик битими имзоланиши мумкин... Бироқ бу амалга ошмаса, тинчлик бўлмайди. Ва бу минтақа учун яхши сценарий эмас, бу барқарорлик ва хавфсизликка олиб келмайди. Шу билан бирга, геосиёсий вазиятнинг ўта нозиклигини инобатга олсак, бу келажакда қийинчилик туғдиради”, — деди Алиев.
Шу билан бирга, у Арманистон Қорабоғни Озарбайжоннинг бир қисми сифатида тан олганидан кейин тинчлик шартномасини имзолаш босқичи бошланганини маълум қилди.
“Арманистон сўнгги қадамни қўйиши керак... Улар Қорабоғ Озарбайжон эканини аллақачон тан олишди, буни очиқ эълон қилишди ва энди ҳужжатни имзолаш босқичи бошланди. Бу ниҳоятда муҳим сўнгги қадам”, — деди Озарбайжон раҳбари.
Изоҳ (0)