Сеул Марказий округ суди Корея Республикаси Бош прокуратураси талабномаси бўйича мамлакатнинг собиқ президенти коррупцияда гумон қилинаётган 76 ёшли Ли Мён Бакни ҳибсга олишга ордер берди. Бу ҳақда Жанубий Кореянинг Yonhap агентлиги хабар берди, деб ёзади «Корреспондент.net».
Тергов сиёсатчи озодликда қолган тақдирда иш бўйича далилларни йўқ қилиши мумкинлиги туфайли мазкур олдини олиш чораси қўлланилишини талаб қилди. Ли Мён Бак билан бир қаторда унинг қариндошлари, собиқ маслаҳатчи ва Samsung Group компаниялар гуруҳи ходимлари ҳам коррупцияда гумон қилинмоқда.
Айблов собиқ президент Миллий разведка хизмати, шунингдек, бир қатор тижорат тузилмаларидан поралар олганлигини таъкидламоқда. Бундан ташқари, Ли Мён Бак автомобиль эҳтиёт қисмлари ишлаб чиқариш билан шуғулланувчи компания орқали ташкил этилган ноқонуний фонд бўйича ишда фигурант ҳисобланади. Айблов Ли Мён Бак 30 миллиард вонга яқин маблағ (20 миллион евро атрофида) тўплаган фондга эгалик қилганлигини тахмин қилмоқда.
Энди Бош прокуратура 20 кун ичида сиёсатчига нисбатан расмий айбловни эълон қилиши лозим.
Изоҳ (0)