Google янгиликлар ёзиш учун сунъий интеллект воситаларидан фойдаланиш имкониятини ўрганмоқда ва журналистларга ёрдам бериш учун ушбу воситаларни қўллаш бўйича ахборот ташкилотлари билан музокаралар олиб бормоқда.
SCМП маълумотларига кўра, Google The Washington Post нашри билан, Wall Street Journal’га эгалик қилувчи News Corp ва ҳатто The New York Times нашрлари билан музокаралар олиб борган.
Ушбу сунъий интеллект воситалари журналистларга, масалан, сарлавҳа танлаш, ўзгартириш ёки турли ёзиш услубларини қўллашга ёрдам бериши мумкин, бу эса “уларнинг самарадорлиги ва маҳсулдорлигини оширади” деди Google вакили. Унинг қўшимча қилишича, компания “бу ғояни ўрганишнинг энг дастлабки босқичида”.
“Бу воситалар шунчаки ҳали ишлаб чиқилмаган ва улар мақолаларини ёзиш, яратиш ва фактларни текширишда журналистлардек муҳим рол ўйнай олмайди”.
Баъзи нашрлар контент яратиш учун генератив сунъий интеллектдан аллақачон фойдаланмоқда, бироқ технология нотўғри маълумотлар бериши мумкинлигидан хавотирлар, қолаверса, инсон томонидан яратилган ва компьютер томонидан яратилган контентни фарқлаш муаммолари туфайли ахборот агентликлари бундай технологияларга секинлик билан ўтмоқда.
Изоҳ (0)