Осиё тараққиёт банкининг (ОТБ) “Осиё тараққиёти истиқболлари” номли янги ҳисоботи эълон қилинди.
Ҳисоботда Кавказ ва Марказий Осиё минтақасида Ялпи ички маҳсулот ўсиши 2023 йилда 0,1 фоизга, 2024 йилда эса 0,2 фоизга пасайиши прогноз қилинди.
Ҳар икки ўзгариш Туркманистон ва Озарбайжон рейтингининг пасайиши билан боғлиқ. Озарбайжонда нефть ва газ қазиб олиш 2023 йилнинг дастлабки 5 ойида кутилганидан кўпроқ камайди, шу билан бирга нефтнинг жаҳон бозоридаги нархларида ҳам пасайиш кузатилди. Шунингдек, ОТБ прогнозларига кўра Озарбайжонда ишлаб чиқаришнинг секинлашиши кутилмоқда.
Жорий йилнинг дастлабки 5 ойида ишлаб чиқаришнинг ошиши ҳисобига Грузия, Қозоғистон ва Тожикистон бўйича прогнозлар ўсган бўлса ҳам, бу ҳолат Озарбайжон ва Туркманистондаги пасайишни компенсация қилишга етарли бўлмайди.
Осиё Тараққиёт банкининг Арманистон, Қирғизистон ва Ўзбекистон учун ўсиш прогнозлари ўзгаришсиз қолди. Апрель ойида эълон қилинган ОТБ ҳисоботида Ўзбекистон ялпи ички маҳсулоти (ЯИМ) 2023 ва 2024 йилларда 5 фоизга ўсишини прогноз қилинганди.
Изоҳ (0)