Ижтимоий тармоқларда Қашқадарё вилояти Шаҳрисабз туманидаги мактабгача таълим муассасасида тарбияланувчилар овқатдан заҳарлагани ҳақида хабарлар тарқалди. Вилоят Соғлиқни сақлаш бошқармаси ҳолатга муносабат билдирди.
Тармоқдаги хабарларда “Шаматон” маҳалласи ҳудудидаги боғчада тарбияланувчилар қатиқдан заҳарлангани айтилган эди. Вилоят ССБнинг маълум қилишича, хабар ҳақиқатга тўғри келмайди.
“Охирги кунларда Шаҳрисабз тумани ва Шаҳрисабз шаҳри ҳудудидаги тиббиёт муассасаларида болаларнинг овқатдан заҳарланиши бўйича бирорта мурожаат қайд этилмаганини маълум қиламиз”, — дейилади хабарда.
Эслатиб ўтамиз, аввалроқ Жиззахда 57 киши овқатдан заҳарланиб, шифохонага ётқизилгани, Нукусда 2 ёшли бола ўсимликлар учун ишлатиладиган доридан заҳарланиб вафот этгани хабар қилинганди.
Изоҳ (0)