Афғонистонда 19 июль куни соат 12:26 да юз берган 5,4 магнитудали зилзила Ўзбекистоннинг қатор вилоятларида сезилди, деб хабар беради ФВВ Сейсмопрогностик мониторинг маркази.
Маълум қилинишича, зилзила координаталари: 36,69 градус шимолий кенглик; 69,88 градус шарқий узунлик. Магнитуда М=5,4. Чуқурлик 227 километр. Зилзила эпитцентри Тошкентдан 512 км жанубий-шарқда.
Ўзбекистон ҳудудида сезилиш кучи:
- Сурхандарё вилоятида — 3 балл,
- Самарқанд вилоятида — 2-3 балл,
- Жиззах вилоятида — 2-3 балл,
- Қашқадарё вилоятида — 2-3 балл,
- Сирдарё вилоятида — 2-3 балл,
- Фарғона вилоятида — 2-3 балл,
- Андижон вилоятида — 2 балл,
- Наманган вилоятида — 2 балл,
- Тошкент шаҳрида — 2 балл.
Ўзбекистонда сўнгги 10 йилдаги зилзилалар
Ўзбекистонда сўнгги 10 йилда олти маротаба 6-8 балли зилзила содир бўлган ва улар натижасида етказилган иқтисодий зарар 84 миллиард сўмни ташкил этган. Шунингдек, мамлакатда ярим йил ичида 50 та кўп қаватли уйлар (тўққиз қаватли ва ундан ортиқ) лойиҳаларининг фақат учтаси маъқулланган. Қолганлари сейсмик талабларга жавоб бермаган ва қайта ишлаш учун юборилган.
Март охирларида Ўзбекистонда яқин кунларда яна зилзила содир бўлиши ҳақида турли хабарлар тарқалганди. Фавқулодда вазиятлар вазирлиги ҳолатга муносабат билдириб, бугунги кунда дунёнинг ҳеч бир давлатида зилзила содир бўладиган сана ва ҳатто тахминий вақтни башорат қила оладиган технологиялар мавжуд эмаслигини, Ўзбекистон сейсмик фаол зонада жойлашгани сабабли баъзида ер силкинишлари содир бўлиши ва ҳар доим шундай бўлганини билдирганди.
Изоҳ (0)