Самарқанд вилояти бош имом-хатиби Зайниддин Эшонқулов автоҳалокатга учраб, аҳволи оғир экани тўғрисида ижтимоий тармоқларда турли хабарлар тарқалди. Айни вақтда ҳаж сафарида бўлиб турган фарзанди унинг соғлиғи тўғрисида маълумот берди.
Унга кўра, Зайниддин Эшонқулов ҳақиқатан ҳам автоҳалокатга учраган. Бироқ интернет орқали тарқатилаётган турли хабарлар ёлғон экани, уни даволатиш учун пул йиғилаётгани ҳақиқатга тўғри келмаслиги таъкидланди. Ҳозирда вилоят бош имом-хатибининг аҳволи яхши эканини қайд этди.
“Ушбу видеомурожаатни 2023 йил Макка шаҳридан оляпман. Самарқанд вилояти бош имом-хатиби Зайниддин домла Эшонқуловнинг фарзанди, исмим Нуримом, Тошкент шаҳри ҳожиларига элликбоши сифатида ҳажга келган эдим. Аллоҳнинг синови бўлиб отамни автомашина туртиб юборди. Интернет тармоқларида ҳар хил ёлғон, бўрттирилган хабарлар тарқатилмоқда. Отамнинг аҳволи анча яхши. Доимо суҳбатлашиб турибмиз, мулоқотдамиз. Диний идорамиз раҳбарияти, диний қўмита раҳбарияти, қолаверса, Макка шаҳридаги ишчи гуруҳ доимо ҳол-аҳвол сўраб, назорат қилиб турибди. Интернетда отамнинг соғлиқлари учун пул йиғилгани ҳақида маълумот тарқатилибди, бу мутлақо ҳақиқатга зид. Икки давлат келишувларига асосан ҳар бир муолажа мутлақо бепул тарзда амалга оширилмоқда. Отамнинг аҳволлари жуда яхши”, — дейди Зайниддин Эшонқуловнинг ўғли.
Изоҳ (0)