Бош прокуратура ҳузуридаги Департаментнинг Навоий вилоят бошқармаси томонидан ўтказилган тезкор тадбирда 85 тонна кўмирни сохта юк хати билан олиб кетаётган омбор мудири ушланди.
Маълум бўлишича, “Кўмир таъминот” АЖнинг Навоий филиали “Зарафшон” кўмир омборхонаси мудири Ф.О. (муқаддам судланган) ўзининг моддий жавобгарлигида бўлган Зарафшон шаҳридаги ижтимоий соҳа ташкилотлари учун ажратилган 85 тонна кўмирни сотиш мақсадида сохта юк хатлари орқали Ҳоwо юк машинасида олиб кетаётганида Бухоро вилояти “Сармижон” ЙПХ масканида тўхтатилиб, ушбу кўмир маҳсулотлари ашёвий далил сифатида олинган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)