Британия мудофаа вазири Бен Уоллес кузги алмашувлар вақтида ҳукуматни тарк этиш вариантини кўриб чиқмоқда, деб хабар берди The Times манбалари. Бу лавозимни молия вазири ўринбосари Жон Глен, ички ишлар вазири ўринбосари Том Тугендхат ёки ташқи ишлар вазири ўринбосари Анне-Мари Тревелян эгаллаши мумкин.
The Times Уоллес собиқ бош вазир Борис Жонсоннинг яқин маслакдоши бўлганини, шу билан бирга, Риши Сунак ҳукуматини қўллаб-қувватлаб келаётганини эслатди. Газетанинг ёзишича, бу қарор Консервативлар партиясидаги муаммолар билан боғлиқ эмас.
“Ушбу ўзгаришлар — келажак ҳақида, Риши сайлов олдидан жамоатчиликка янги жамоани тақдим этади”, — деб тушунтирди газета манбаси.
The Times таъкидлаганидек, Уоллесни сайлайдиган округга унинг чегаралари ўзгариши сабабли барҳам берилади, сиёсатчи эса бошқа округдан номзод бўлишга уринмаяпти.
53 ёшли Бен Уоллес консерваторлар орасида машҳур бўлишига қарамай, бош вазирликка номзодини қўймаган. Аввалига у Лиз Трассни қўллаб-қувватлади, у кетганидан кейин Борис Жонсоннинг қайта сайланишини ёқлади. Бош вазир этиб сайланганидан кейин Риши Сунак Уоллес унинг рақибларини қўллаб-қувватлаганига қарамай, вазирни ишдан бўшатмади.
Бен Уоллес НАТО бош котиби лавозимига ҳам даъво қилди, бироқ альянс давлатлари амалдаги етакчи Йенс Столтенберг ваколатларини бир йилга узайтирди. ОАВ хабарларига кўра, партиялар янги номзод бўйича келишувга эриша олмаган.
Изоҳ (0)