“Гарри Поттер ва фалсафа тоши” китобининг 1997 йилдаги биринчи нашри Англияда кимошди савдосида сотувга қўйилди. Номаълум харидор китоб учун 10,5 минг фунт стерлингдан (13,5 минг доллар) кўпроқ тўлагани хабар қилинмоқда.
Кимошди савдосига қўйилган нусхани бир неча йил аввал ҳаваскор коллекциячи сотиб олган. Ўшанда эскирган муқовали китоб учун у 30 пенс (тахминан 36 сент) тўлаган ва китоб инглиз кутубхоналаридан бирида сақланган.
Мутахассислар ушбу нусха нашриётнинг 1997 йилда чоп этилган биринчи партиядаги 500 та китобидан бири эканлигини тасдиқладилар.
Аукционда китоб ўзининг асл нархидан 35 минг баробар қимматроққа сотилди, деб ёзди The Independent.
Изоҳ (0)