Украинада ҳарбий хизматга чақирувни рад этиш билан ҳарбий комиссарият (военкомат) форматини ўзгартириш режалаштирилмоқда. Бу ҳақда “TCH.uа” хабар берди.
Украина мудофаа вазири Алексей Резников мамлакат тўлиқ шартномавий армияга ўтиш ниятида эканини таъкидлади.
“Биз ёндашувни ўзгартиришимиз керак, чақирувни бекор қилишимиз, профессионал армия яратишимиз керак. Лекин уруш бўлганда, босқин бўлганда қатламли захира реестрини яратиш зарур. Бу асосий капиталимиз халқ экани ва улар билан ишлаш кераклигини англатади”, — деди Резников.
Унинг сўзларига кўра, ҳозирда Украина ҳарбий комиссариятида мавжуд бўлган барча “совет мероси” тубдан ўзгартирилиши керак.
“Биз бошқача ёндашишимиз керак, максимал рақамлаштириш бўлиши керак. Нисбатан айтганда, военкоматлар маъмурий хизматлар кўрсатиш марказларига айланиши керак”, — дея хулоса қилди Резников.
Изоҳ (0)