Кўплаб томошабинлар Болливуд актёри Жимми Шергилни “Қалбимда сенсан” фильмидаги образи орқали танийди. Бироқ актёр кинодаги карьераси давомида бошқа кўплаб фильмларда рол ижро этган. Қуйида актёрнинг шахсий ҳаёти ва карьераси ҳақида маълумот берилади.
Актёрнинг ҳақиқий исми Жасжит Сингх Гилл. У 1970 йилнинг 3 декабрь санасида туғилган. У кўплаб холалари, амакилари, амакиваччалари, бобо ва бувилари билан бир уйда вояга етган. Оила жуда бадавлат бўлиб, фермер хўжаликлари, шакар заводлари ва спиртли ичимликлар заводларига эга эди.
Жимми нуфузли мактабларда ўқиган, санъат соҳаси бўйича бакалавр даражасини олган. Жимми АҚШда магистр даражасини олиши керак эди, бироқ унинг амакиваччаси актёрга Мумбайга бориб, актёрлик сабоқларини бошлаши кераклигини айтади. Шергилл ҳинд тилини жуда яхши билар эди ва Болливуд фильмларида рол ўйнай бошлаганида бу унга кўп ёрдам берди.
“Менинг амакиваччам Суминдер, холамнинг ўғли мендан ўн ёш катта эди ва Деҳлида яшарди. У отаси вафотидан кейин ўзини ёлғиз ҳис қилди ва ота-онамдан Деҳлида бир муддат қолишимни сўради. Биз жуда яқин дўстларга айландик.
Суминдер Ҳиндистондаги энг яхши дизайнерларнинг коллекцияларини сотадиган дўконга эга эди. Унинг дўконига машҳур инсонлар тез-тез келарди. Айнан акам менга кино учун яратилганимни айтган эди.
Мен унинг гапига кулардим, чунки Санни Деол ва Санжай Даттнинг жанговар фильмларидан бошқа ҳинд фильмларини кўрмаганман, сабаби мен уларнинг ашаддий мухлиси эдим. Севимли машғулоти сифатида расм чизган дадам ва унинг холаси, таниқли рассом Амрита Шергилдан ташқари, санъат оламига алоқам йўқ эди. Бироқ амакиваччам миямдаги фикрларни шунчалик ўзгартириб юбордики, мен ҳинд фильмларини кўра бошладим.
Мумбайга келиб, ўзимни синаб кўришга қарор қилдим. Рошан Танежининг актёрлик мактабига ўқишга кирдим ва у ерда бир ярим йил ўқидим. Уйдагилар мени 15 кунга ҳам чидай олмайди деб ўйлашди, бироқ мен шундай қилдим. Албатта, оилам мени ҳамма нарсада ҳам маънавий, ҳам моддий томондан қўллаб-қувватлади.
1994 йилда Гулзор аканинг “Ўт қўювчилар” фильмини суратга олмоқчи эканини билиб, унга ассистент бўлиб ишга кирмоқчи бўлганман. Бироқ Гулзор мен билан гаплашиб, бу ишда фильмдаги кичик бўлса-да, биринчи ролни менга топширди.
“Ўт қўювчилар” фильми кассада яхши даромад олиб келди ва актёрни саноатнинг этакчи директорлари эътиборига ҳавола этди. Жимми Адитя Чопранинг “Муҳаббат қиссалари” мусиқий драмасида суратга тушганидан кейин машҳурликка эришди, бу лойиҳа 2000 йилда Болливуднинг энг кўп даромад келтирган фильмига айланди, шундан сўнг актёр “Менинг севгилимнинг тўйи” (2002 йил), “Муннабой” (2003 йил), “Сен ва мен” (2004 йил), “Тану ва Манунинг тўйи” (2011 йил), “26 қароқчи” (2013 йил) каби машҳур фильмларда рол ўйнаган.
Шунингдек, у “Менинг исмим Хон” (2010 йил) драмасида, “Тану ва Манунинг тўйи 2” романтик комедиясида рол ўйнаган ва бу унга Фильмfare мукофотининг “Иккинчи пландаги энг яхши актёр” номинациясини тақдим этган. Унинг фильмографиясида кўплаб панжоб лойиҳалари мавжуд.
1996 йилда Жимми дебют фильми намойишига тайёргарлик кўраётганда бўлажак рафиқаси Приянка Пури билан танишган. У отаси билан бирга ишлаган, қурилиш ва интерер билан шуғулланган.
Жуфтлик беш йил учрашиб юрди ва 2001 йилда турмуш қурди. Жиммининг сўзларига кўра, Приянка унинг биринчи севгиси ва у билан оила қурганидан жуда хурсанд. Уларнинг Вир исмли ўғли бор.
Журналистларга актёрнинг ҳаёти қизиқ эмас. Жимми билан ишлаган инсонларнинг фикрича, у мутлақо зиддиятга бормайдиган инсон. У ўзининг 27 йиллик фаолияти давомида ҳеч қачон кинодаги партнёрлари билан муносабат қурмаган ва актёр билан жуда камдан-кам ҳолларда муаммо содир бўлади.
Актёр ҳақида ғийбат ва миш-мишлар йўқ ва унинг истеъдоди Болливуд саноатида ҳақиқатан кам баҳоланган . Жимми фаолиятини севги қаҳрамони сифатида бошланган, бироқ у ўзини чуқурроқ ва кўп қиррали роллар билан исботлаб, маҳоратли иккинчи пландаги актёрга айланди. У аслида панжоб кино саноатини жонлантирди.
Унинг панжоб лойиҳалари кассада яхши натижаларга эришмоқда. Актёр Болливудда унчалик машҳур бўлмаса-да, ҳамкасблар уни жуда ҳурмат қилади.
Изоҳ (0)