Японияда тинимсиз ёғаётган ёмғирлар фонида мамлакат жанубидаги Кюсю вилояти ҳукумати ҳудудлардаги аҳолини эвакуация қилиш ҳақида огоҳлантирди. Бу ҳақда 3 июль, душанба куни эрталаб Япониянинг NHK телеканали ўз сайтида маълум қилди.
Кумамото, Фукуока, Оита, Миядзаки, Сага ва Ямагути префектураларида кўчки хавфи ниҳоятда юқори даражага кўтарилди, дейилади хабарда. Франциянинг AFP агентлиги эҳтимолий эвакуация ҳақидаги огоҳлантириш Япония ғарбидаги икки миллионга яқин одамга таъсир қилгани ҳақида хабар берган эди.
Хусусан, Фукуока жануби-ғарбий префектурасидаги Куруме шаҳрида 115 мингга яқин одам, Кумамото префектурасининг шу номдаги шаҳрида 360 минг киши тегишли буйруқни олган.
Инфратузилманинг шикастланиши
Об-ҳаво шароити туфайли бир қатор ҳудудларда инфратузилма шикастланган. Япония ғарбидаги Ямагути префектурасида кучли ёмғир туфайли темирйўл алоқаси узилди, Мине шаҳрида Акагава дарёси орқали ўтувчи темирйўл кўприги қулаб тушди.
Япониянинг жануби-ғарбида ҳар йили ёзда кучли ёмғир ёғади, бу эса дарёлар тошқини, ҳудудларни сув босиш, кўчкилар ва одамларнинг қурбон бўлишига олиб келади. Токиодаги Миллий метеорология хизмати кучли ёмғир 4 июль куни ҳам давом этиши ҳақида огоҳлантирмоқда.
Изоҳ (0)