“Набирамни даволатмасам, ногирон бўлиб қолиши мумкин” — Қуйи чирчиқлик аёл шифокорлар айби билан набирасининг қўл-оёғи ишламай қолганини айтиб, халқдан ёрдам сўрамоқда (фото)

“Меҳридарё” лойиҳасига Қуйи Чирчиқ туманида яшовчи Замира Умбетова мурожаат қилиб, набираси Юсуфбек Умбетовни даволатиш учун халқдан моддий ёрдам сўрамоқда.

— Набирам 2021 йили дунёга келган. Соғлом, меъёрида ривожланаётган бола эди. Аммо етти ойлик бўлганида, томоғидаги оғриқ сабаб касалхонага ётқиздик. Шифокорларнинг нотўғри муолажаси сабаб, набирам комага тушиб қолди. Мияга кислород етмаслиги оқибатида тонусга тушиб, қўл-оёқлари ишламай қолган. Ўтган йилнинг апрель ойидан буён шу аҳвол. Ўшандан буён кўрсатмаган шифокоримиз қолмади. Сентябрда у икки ёшга тўлади, аммо жисмоний ва ақлий ривожланишда орқада қолган. Бошини тутолмайди, қўли билан бирор нарсани ушлолмайди, эмаклай ҳам олмайди.

Россиялик шифокорларга кўрсатганимизда “Боланинг суяги қотмасидан муолажа қилиш керак”, дейишди. Шу боис келиним ҳар ойда икки марта касалхонага ётиб, муолажа олади. Бундан ташқари, тинимсиз уқалаш муолажаларига олиб боради. Ўғлим ишлайди, аммо унинг топган пули болани даволатишга етмаяпти. Қийин аҳволга тушиб қолдик. Яхши инсонлар қўлингиздан келганча ёрдам беринглар. Болам ҳам соғайиб, бошқа болалар сингари ўйнаб кулсин, — дейди Замира Умбетова.

Умбетов Юсуфбекка хайрия қилишни истасангиз

8600  3329 0281 3413 (Умбетова Замира)

Мурожаат учун телефон: +998 99 602 68 69