“Меҳридарё” лойиҳасига фарғоналик Аъзамжон Абдусаматов мурожаат қилиб, узоқ йилдан буён оғир дард билан курашаётган ўғлини операция қилдириш учун халқдан ёрдам сўрамоқда.
— Ўғлим Абдулҳай Эгамбердиев 1994 йил дунёга келган. Олти ёшда ўғлим боғчанинг иккинчи қаватидан бошининг орқа қисми билан йиқилган. Бошида гемотома ҳосил бўлган. Аммо тарбиячилар бу ҳақида бизга айтмаган. Гемотома шишиб, кучли оғриқ бўлганидан кейингина йиқилгани ҳақида хабар топганмиз.
Шифокорларнинг айтишича, орқа миядаги қон томир сиқилиб қолган ва бу нафақат боланинг нутқига, балки таянч ҳаракатларига ҳам ўз таъсирини кўрсатади. Ўғлим руҳий жиҳатдан соғлом, гапимга тушунади ва жавоб беришга ҳаракат қилади. Унинг гапларини бошқалар тушунмаслиги мумкин, аммо биз нима хоҳлаётганини биламиз.
Ҳозирда ўғлим ўзи мустақил юролмайди. Узоқ вақт ҳам ўтиролмайди. 22 йил давомида ўғлимни даволатдик, аммо уни операция қилиш кераклигини айтишяпти. Анча йилдан буён хорижга олиб бориб операция қилдиришни айтишади. Аммо моддий имкониятим бўлмагани учун қилдиролмадик. Ўзбекистонлик шифокоримиз германиялик яхши мутахассислар Тошкентга келиши ҳақида айтишганди. Унинг таҳлил натижаларини унга юборганимизда, 95 фоизга даволаш мумкин, деди.
Ҳозирда қўлимда 11 минг АҚШ доллари бор. Бизга умумий ҳисобда 15 минг АҚШ доллари керак. Даволатиш учун уйимни сотиб бўлганман, биз томонларда уй-жойлар анча арзон. Сотадиган ҳеч нарсам қолмагани учун халқдан ёрдам сўрашга мажбур бўляпман. Аёлим оққон касаллигига чалиниб вафот этди. Унинг ўлимидан кейин уйда қолиб, ўғлимни парваришлашга масъул бўлиб қолдим. Яхши инсонлар, ўғлимни даволатиш учун қўлингиздан келганча ёрдам беринглар, — дейди беморнинг отаси.
Абдулҳай Эгамбердиевга хайрия қилишни истасангиз,
4073 4200 8531 4965 Абдулкҳай Эгамбердиев
Мурожаат учун телефон: +900-532-94-15 Аъзамжон Абдусаматов (отаси)
Изоҳ (0)