“Меҳридарё” лойиҳасига Сурхондарё вилояти, Қизириқ туманида яшовчи Наргиза Маҳмонова мурожаат қилиб, оққон касаллигига чалинган ўғлини даволатиш учун халқдан ёрдам сўрамоқда.
— Ўғлим Шаҳриёр Саропов 2021 йилдан буён оққон касаллиги билан курашиб келмоқда. Сурхондарёлик шифокорлар аҳволи оғир эканлигини айтишганидан кейин турмуш ўртоғим билан уни Тошкентга олиб келдик. Москвага юборилган таҳлил жавоблари келгандан кейин кимётерапия муолажаларини бошладик. Белидан муолажа олгандан кейин “Она қишлоққа қайтайлик, жоним оғрияпти”, деб йиғлайверади. Ўн бир ёшдаги бола учун бу катта дард ва оғриқ. Қишлоқда чорва молларимиз бор эди. Икки йил мобайнида ўғлимни даволатиш учун уларнинг барини сотиб бўлдик. Энди уйимизни сотувга қўйиш ҳақида ўйлаяпмиз. Уйни сотаман дейман-у, бундан ташқари яна уч фарзандим борлигини ўйлаб, иккиланиб қоламан. Уйни соцам уларнинг аҳволи нима кечади, кўчада қолиб кетишадими, дейман.
Ҳеч бир инсонни фарзанд билан синамасин экан. Катта ўғлим ҳали мактабни тамомламаган. Аммо оиламиздаги қийинчиликлар сабаб, муштдек бола Тошкентга келиб кунлик ишларда ишлаяпти. Топган пулини бизга жўнатади. Турмуш ўртоғим ҳам Тошкентга келаман, дейди. Аммо “Қизларим ёлғиз қолади, сиз Тошкентга келмай туринг”, деяпман. Жуда мушкул вазиятда қолдик. Мана ҳозир ҳам таҳлилларни Ҳиндистонга жўнатишимиз керак. Қўлимда пулим бўлмагани учун муолажани ҳам ортга суряпмиз.
Яхши инсонлар фарзандимни даволатиш учун қўлингиздан келганча кўмак беринглар. Менинг болам ҳам соғайиб сиздек сахий инсон бўлсин, — дейди беморнинг онаси Наргиза Маҳмонова.
Саропов Шаҳриёрга хайрия қилиш истагида бўлсангиз,
9860 0825 5071 4917
Наргиза Мокҳмонова (онаси)
Мурожаат учун:338464252
Изоҳ (0)