“Меҳридарё” лойиҳасига Хатирчи туманида яшовчи Хуршида Равшанова мурожаат қилиб, қизини даволатиш учун халқдан ёрдам сўрамоқда.

— Қизим Шаҳризода Шопўлатова 2018 йилдан буён касаллик билан курашмоқда. Ўшанда у эндигина биринчи синфга чиқиб, хат-саводини чиқараётган эди. Иситмаси тушмай, ўзини холсиз сезаверди. Аввалига Навоийда, ундан кейин Тошкентда даволатдик. Бир йиллик даволанишлардан сўнг шифокорлар қизимга оққон ташхисини қўйишди. Касаллик умуртқаси ва оёқларининг ҳаракатланишига акс таъсир этгани учун аравачага михланиб қолди. Қизимда касалликнинг иккинчи босқичи эканлигини, агар даволатсак соғайиб кетиш эҳтимоли юқорилигини айтишяпти. Аммо уни даволатишга имконим етмаяпти.
Қизимдан катта акаси ўпкасида босим билан туғилгани учун вафот этган. Энди яна бир фарзандимдан айрилишни истамайман. Аллоҳ шифо берса, унинг соғайиб кетишига ишонаман. 
Тўрт нафар фарзандим бор, турмуш ўртоғим Навоийда кунлик ишларга чиқади. Унинг топгани рўзғордан ортмайди. Шифокорлар дори-дармонларни вақтида олиб ичириб, муолажаларни қилиш кераклигини айтишяпти. Халқдан ёрдам сўраш ҳеч бир она учун осон эмас. Мажбур бўлганимдан ёрдам сўраяпман. Қўлингиздан келса моддий ёрдам беринг ва қизимнинг ҳаққига дуо қилинглар яхшилар, — дейди беморнинг онаси Хуршида Равшанова.

Шопўлатова Шаҳризодага хайрия қилишни истасангиз,

8600 0609 9991 52 92
Равшанова Хуршида (онаси)

Мурожаат учун: +99893) 464-52-24