Севимли турк актёр ва актрисаларимизнинг умр йўлдошлари ким ва улар қандай кўринишга эга?

Кўпчилик турк сериалларини томоша қилади. Бироқ уларда ўйнаган актёрларнинг баъзилари суратга олиш майдончасидаги партнёрларни ёки кенг жамоатчиликка мутлақо нотаниш одамларни умр йўлдош сифатида қабул қилганини ҳамма ҳам билмайди.

Ҳалит Эргенч ва Бергузар Корел

Ҳалит ва Бергузар муносабатларини 2009 йилда расмийлаштирган. Бир неча йил ўтгач, улар “Муҳташам юз йил”да бирга рол ижро этишади, аммо Бергузар фақат битта эпизодда кўринган холос. Тўйдан бир йил ўтиб, уларнинг биринчи фарзанди, 2020 йилда иккинчи ўғли, 2021 йилда эса қизи дунёга келди.

Киванч Татлитуғ ва Башак Дизер

Киванч Татлитуғ “Тақиқланган севги” ва “Эзел” сериали чиққанидан кейин томошабинларга маълум бўлди. 2016 йилда у Башак Дизер билан турмуш қурган. 2022 йил апрель ойида эр-хотин фарзандли бўлишди.

Ҳазал Кая ва Али Атай

Ҳазал Кая ва Али Атай турк киносининг таниқли актёрлик жуфтликларидан биридир. Улар муносабатларини 2019 йилда расмийлаштиришган. “Тақиқланган севги” юлдузи турмуш ўртоғи билан икки фарзандни тарбияламоқда.

Пелин Караҳан ва Бедри Гунтай

Пелин Караҳан томошабинларга “Муҳташам юз йил” фильмидаги роли билан таниш. Бедри Гюнтайга турмушга чиқишдан олдин у аввалги никоҳидан ажрашган эди. Ёшлар ҳозирги муносабатларини 2014 йилда расмийлаштиришди. Шу йили улар ўғил кўрдилар, 2017 йилда эса иккинчи марта ота-она бўлишди.

Берен Саат ва Кенан Доулу

“Муҳташам юз йил” ва “Тақиқланган севги” фильмларидаги роллари билан танилган Берен Соат ва қўшиқчи Кенан Доулу 2012 йилнинг февралида учраша бошлаган. 2 йилдан сўнг улар унаштирилганликларини эълон қилишди ва 2014 йилда эса расман никоҳдан ўтишди.

Саадет Аксой ва Памир Киранер

Саадет Аксой “Муҳташам юз йил” фильмидаги ажойиб роли билан кўплаб томошабинлар хотирасида қолди. 2014 йилда у Памир Киранерга турмушга чиқди. Актриса камдан-кам ҳолларда биргаликдаги расмларини ижтимоий тармоқларга жойлаштиради, аммо фотосуратлар кам бўлса ҳам эр-хотин бахтли эканлигини кўриш мумкин. 2020 йилда улар қиз фарзандли бўлишди.

Қодир Доғулу ва Неслиҳан Атагул

Кўпчилик Қодир Дўғулуни “Муҳташам юз йил: Косем империяси” сериалидаги ролидан танийди. 2013 йилда “Истанбулнинг икки юзи” сериали суратга олиш жараёнида Неслиҳан Атагул билан танишган. Уч йил ўтгач, юлдузлар турмуш қуришди.

Эркан Петеккая ва Дидем Петеккая

Эркан Петеккая “Текин фойда”, “Сенга ваъда бераман”, “Парча”, “Бу қиз” каби сериалларда суратга тушган. 2003 йилда у Дидемга уйланади. Эр-хотин шахсий ҳаётлари ҳақида гапирмасликни афзал кўришади, аммо уларнинг битта фарзанди борлиги маълум.

Мурат Йилдирим ва Имон Албани

Мурат Йилдирим ҳозирги турмуш ўртоғи билан учрашишдан олдин, “Бўрон” сериалининг суратга олиш жараёнида танишган Бурчин Терзиўғли билан турмуш қурганди. 2016 йилда, ажрашганидан 2 йил ўтгач, у “Марокаш гўзали” унвони эгаси Иман Албанига уйланади. 2022 йилда уларнинг узоқ кутилган қизи дунёга келди.

Селма Эргеч ва Жан Оз

Кўпчилик Селма Эргечни “Муҳташам юз йил” фильмидаги Хадича Султон роли билан эслайди. 8 йил аввал у Жан Оз билан бахтли турмуш қурган. 2016 йилда эр-хотиннинг Ясмин исмли қизи дунёга келди.