Америкалик Ненси Зауэр 2,5 миллион долларлик ҳашаматли уйи ва бутун бойлигини мушукларига васият қилиб қолдирди.
Аёл ўлимидан кейин унинг уй ҳайвонлари биргаликда яшашни давом эттиришлари керак, деб ҳисоблаган. Чунки улар айрилиқни оғир қабул қилишаркан. Охирги мушук у ердан кетмагунча кўчмас мулкни сотиш тақиқланган.
Бундан ташқари, Зауэр мушукларнинг барча харажатларини умрининг охиригача қоплаб туриш учун маблағ ажратган.
“Бу озиқ-овқат, даволаниш ва мушукларни парвариш қилиш учун тўловларга етарли маблағ. Улар ҳали ёш, энди бешга тўлди. Форс мушуклари қиммат ва нозик бўлади”, — деган Ҳайвонларни ҳимоя қилиш жамияти ижрочи директори Шерри Силки.
Аввалроқ немис моделери Карл Лагерфелднинг мушуги ҳалигача ўзига васият қилиб қолдирилган 1,3 миллион фунт стерлинг миқдоридаги меросни олмагани хабар қилинган эди.
Изоҳ (0)