Атлантика океанида йўқолган “Титан” сувости кемаси экипажининг аъзолари ҳалок бўлган, деган тўхтамга келингани ҳақида хабар берилганди. Қидирув давомида топилган кема қолдиқлари “Титан”га тегишли экани тасдиқланган.
Daily Mail нашрининг маълум қилишича, сувости кемасида ҳалок бўлган экипаж аъзоларининг жасадлари ҳеч қачон топилмаслиги мумкин. Океан остидаги қидирув ишлари ниҳоятда мураккаб эканлиги шундай фикрнинг юзага чиқишига сабаб бўлмоқда.
Қутқарув операциясида иштирок этган қидирувчиларнинг таъкидлашича, “Титан” бортидаги беш киши якшанба кунидаёқ ҳалок бўлган бўлиши мумкин. Аммо портлашга нима сабаб бўлгани ҳозирча аниқланмаган.
Шу билан бирга, ижтимоий тармоқларда изоҳ қолдираётган баъзи фойдаланувчилар мазкур воқеа атайлаб уюштирилган бўлиши мумкинлигини тахмин қилмоқда.
Кемада британиялик миллиардер Хемиш Хардинг, OceanGate раҳбари Стоктон Раш, Франция денгиз флоти фахрийси Пьер-Анри Наргеоле ва покистонлик миллиардер Шаҳзода Довуд ҳамда унинг 19 ёшли ўғли Сулаймон бўлган.
Изоҳ (0)