Машҳурларнинг узоққа чўзилмайдиган никоҳлари тез-тез учрайдиган мавзудир. Баъзиларнинг фикрича, пул ва шон-шуҳрат бўлганда, ҳаётга бўлган муҳаббат ҳақида гап бўлиши мумкин эмас. Бироқ юлдузлар орасида бу стереотипни бузадиган жуфтликлар ҳам бор.
Адриано Челентано ва Клаудия Мори (1964 йилда турмуш қурган)
-1.jpg)
Адриано Челентано ва Клаудия Мори “Ғалати одам” фильмининг суратга олиш жараёнида танишади. Дастлаб келишган Челентано ўз қадр-қимматини биладиган италиялик актрисани ҳайратда қолдира олмайди.
Аммо қизнинг бефарқлиги Адрианони янада қизиқтириб қўяди — актрисанинг эътибори ва муҳаббатини қозониш учун ҳаракат қила бошлайди. Худди шуни кутиб тургандек Клаудиянинг айби билан суратга олиш майдончасидаги шишали шифтнинг парчалари актёрнинг юзини кесиб кетади. Аммо бу бахтсизлик ёшларни яқинлаштиради — Клаудиянинг кечирим сўрашидан кейин ёшлар бир-бири билан тил топишади.
Актёр ва ниҳоят Клаудиянинг қалбига йўл топади ва тез орада улар турмуш қуришади. Тўй маросими кечаси бўлиб ўтади. Оммавий ахборот воситаларининг эътиборини тортмаслик учун ҳам шу вақт танланади.
Клаудия кейинчалик икки танлов орасида қолади — карьера ёки оилавий бахт. Никоҳини сақлаб қолиш учун Мори актрисалик амбицияларидан воз кечиб, эрига таянч бўлишга қарор қилади. Клаудия ҳозирда оилавий Clan Celentano овоз ёзиш компаниясини бошқаради, шу билан бирга, уч фарзанднинг онаси.
Челентанонинг тан олишича, машҳурлигига, шахсий ҳаётидаги кўплаб ғийбат ва миш-мишларга қарамай, унинг юраги фақат Клаудия Морига тегишли бўлган.
Мерил Стрип ва Дон Гаммер (1978 йилда турмуш қурган)
-1.jpg)
Мерил Стрип севгилиси Жон Казалнинг ўлимидан сўнг зудлик билан севгилиси бирга яшаган квартирадан кўчишга мажбур бўлади. Актрисанинг нега бунчалик тез кўчиб кетгани ҳақида турли миш-мишлар мавжуд, аммо ҳар ҳолда у ҳайкалтарош Дон Гаммерга тегишли квартирага кўчиб ўтади.
Мерил Стрип ва Дон Гаммер илгари бир-бирини танимаган — актрисанинг акаси Гаммернинг дўсти бўлган, шу сабабли Гаммер дўстининг қийин вазиятда қолган синглисига ўзининг квартирасида яшашни таклиф қилган. Стрип кун бўйи ишларди ва фақат ухлаш учун квартирага келарди. Бир куни у уйга қайтганда баъзи нарсаларни олиш учун келган квартира эгасига дуч келади. Мерил шунчалик хижолат бўладики, унга берган ёрдами учун Гаммерга қандай миннатдорлик билдиришни билмайди. Шу сабабли бир-бирларига хат ёзиб туришни таклиф қилади, Гаммер ҳам бунга рози бўлади.
Тўрт ой давомида улар мунтазам мактуб алмашишади, танишганларидан олти ой ўтгач, Мерил Стрип ва Дон Гаммер турмуш қуради.
Ўшандан бери 40 йилдан ортиқ вақт ўтди ва улар ҳали ҳам бирга бахтли. Актриса ўз ишини жуда яхши кўради, лекин унинг учун фарзандлари ва эри ҳар доим биринчи ўринда туради.
Дэнни ДеВито ва Реа Перлман (1982 йилда турмуш қурган)
-1.jpg)
Дэнни ДеВито ташқи кўринишига қарамай, ҳар доим кўплаб мухлислари бўлишини орзу қилган. Гўзал қизлар билан танишиш учун у ҳатто сартарош бўлишга қарор қилади.
Кейин унга бу ҳам етарли эмасдек туюлади ва саҳна гримёрлиги курсига ўқишга киради. Кўп ўтмай актёрлик бўлимига ўтади. Шундан сўнг Дэнни Бродвей театрига ишга келади. У ерда бўлажак рафиқаси актриса Реа билан танишади.
Бир-бирини тушунишларига кўзи етгач, жуфтлик 1982 йилда турмуш қуради. Тез орада улар учта фарзанднинг ота-онаси бўлишади.
Аммо машҳур бўлгани сари Де Витонинг характери тобора оғирлашиб боради. Бундан ташқари, актёр бегона аёллар билан ўралашиб қолади. Шундан кейин Реа ажрашиш учун ариза беради. Аммо Нью-Йоркда бир неча ҳафта ёлғиз қолганидан сўнг, Дэнни бундай турмуш тарзи унга қувонч келтирмаслигини тушунади ва бу дунёда у билан турли вазиятларда бирга бўлган хотинидан яқинроқ одами йўқлигини ва бўлмаслигини англайди. У хотинидан кечирим сўраган бўлса-да, гўзал аёлларга қарашни тўхтатмаслигини таъкидлаган.
Хью Жекман ва Деборра-Ли Фернесс (1996 йилда турмуш қурган)
-1.jpg)
Улар “Корелли” сериалининг суратга олиш жараёнида танишади. Ўша пайтда Хью ҳали машҳур актёр эмасди, бу унинг иккинчи рол эди. Деборра-Ли эса аллақачон машҳур австралиялик актриса сифатида танилганди.
Эндигина 26 га тўлган йигит ҳамкасбининг олдида ўзини жуда ноқулай ҳис қилади, чунки уни бир қарашда севиб қолганди. Фернесс ҳам унга бефарқ эмасди, аммо Хью ундан 13 ёш кичик бўлгани учун актриса бундай муносабатлар узоқ давом этмаслигидан қўрқарди. Шунга қарамай, улар бир-бирларига бўлган ҳис-туйғуларини тан олишади.
Танишганларидан 4 ой ўтиб, 1996 йилда жуфтлик турмуш қуради. Жуфтлик фарзандли бўлишни чин дилдан истаса-да, икки марта ҳомила тушиб қолганидан кейин қиз ва ўғил асраб олишга қарор қилишади.
Барча миш-мишлар ва ғийбатларга қарамай, Хью Жекман тақдир унга дунёдаги энг яхши аёлни туҳфа қилганини айтади.
Изоҳ (0)