Баъзи машҳурлар, нима бўлишидан қатъи назар, таслим бўлмаслик ва мақсад сари бориш қанчалик муҳимлигини ўрнак сифатида кўрсатиб беради. Агар қуйидаги актёрлар муваффақиятсизликка учраган биринчи фильмидан сўнг таслим бўлиб, карьерасинини тўхтатиб қўйганда, ҳозир уларнинг кўпини танимаган бўлардик.
Бред Питт — “Қуёшнинг қоронғи томони”, 1988 йил
Бред Питт кинодаги илк ролини “Қуёшнинг қоронғи томони” фильмида ўйнаган, бу камдан-кам учрайдиган тери касаллиги билан оғриган ва ёруғликка алергияси бўлган йигит ҳақидаги унчалик машҳур бўлмаган картина эди. Фильм ҳатто катта экранларда ҳам намойиш этилмаган, лекин фильм тайёр бўлгандан деярли ўн йил ўтгач, тўғридан тўғри видеотасмага чиқарилган. Актёрнинг ўзи эса бош роли учун атиги 1523 доллар гонорар олган.
Хелли Берри — “Тирик қўғирчоқлар”, 1989 йил
Бу қисқа муддатли телешоу “Бу ерда ким хўжайин?” сериалининг спин-офи бўлган ва Хелли Беррининг биринчи экрандаги роли эди. Афсуски, сериал ниҳоятда омадсиз бўлади, People журналидан жуда паст баҳо олгач, лойиҳа дарҳол тўхтатилади.
Скарлетт Йоханссон — “Норт”, 1994 йил
Скарлеттнинг фильмдаги дебютини шунчаки муваффақиятсиз деб бўлмайди — унинг биринчи фильми кўплаб танқидчилар томонидан барча даврларнинг энг ёмон фильмларидан бири сифатида тан олинган. 1994 йилда чиқарилган “Норт” фильми 40 миллион долларлик бюджет билан атиги 13 миллион доллар ишлаб олди. Фильм омадсиз чиққанига қарамай, Йоханссон интервьюларининг бирида ўша фильм у учун “сеҳрли тажриба” бўлганини айтади.
Майкл Жей Фокс — “Ярим тундаги жиннилик”, 1980 йил
“Келажакка қайтиб” юлдузи Disney фильмида ўсмирлар жамоаси билан бирга тунда шаҳар бўйлаб жумбоқларни ечиш ҳақидаги фильмда дебют қилади. Афсуски, бу фильм катта муваффақиятсизликка учрайди ва таниқли кино танқидчиси бу фильмни жуда ёмон деб таърифлади.
Эми Адамс — “Қотил гўзаллар”, 1999 йил
Фильм култ фильмга айланганига қарамай, у экранларга чиққандан сўнг кассада омадсизликка учрайди. Танқидчилар ҳам салбий баҳо қўйишади.
Ума Турман — “Хайрли тун, дадажон”, 1987 йил
Ума бу фильмда йигитлар билан учрашиб, кейин уларни талон-торож қиладиган аёл ролини ўйнайди. Аммо уни таъқиб қилиш бошлангач, ҳаммаси остин-устун бўлади. Фильмнинг энг ижобий шарҳларидан бири уни “жуда даҳшатли” деб аташганидир.
Жейсон Бейтман — “Бўри боласи-2”, 1987 йил
Жейсон Бейтман уни бўрига айлантирувчи оилавий генни мерос қилиб олган коллежнинг биринчи курс талабаси ҳақидаги фильмда биринчи ролини ўйнайди. Танқидчилар янги актёрни аяб ўтиришмайди, чунки у отаси продюсер бўлгани учун ролга таклиф қилинганди. “У шу қадар қобилиятсизки, киносиновдан ўтганини ҳазил дейиш мумкин”, — деб ёзади журналистлардан бири.
Женнифер Лоуренс — “Детектив Монк”, 2006 йил
Женнифер Лоуренс 2006 йилда фильм кастингидан ўтганида бу ҳақда оиласига ғурур билан гапириб беради. Аммо кейинчалик маълум бўлишича, Женнифер у кутган ролга олинмаган ва у эпизодик ролни ўйнаши керак эди. Экран вақтининг кўп қисмини актриса спорт жамоасининг тумори — шер костюмида ўтказади ва бир неча сония ниқобсиз кўринади холос. “Ҳаёт-мамот ўйинлари” фильми юлдузи ҳали ҳам бу ролидан уялади.
Анжелина Жоли — “Киборг 2: Шиша соя”, 1993 йил
Анжелина Жоли экрандаги дебютини “Киборг-2” илмий-фантастик фильмида бошлаган. Умуман олганда, фильм жуда ёмон чиқади. Кейинчалик Анжелина мазкур фильмни биринчи кўрганидан кейин “ўзини ёмон ҳис қилганини” айтади.
Изоҳ (0)