Тақдир Голливуднинг актёр ва актрисаларига турли вақтларда машҳурлик берган. Кимдир жуда ҳам кеч, кимдир болалигидаёқ машҳур бўлади.
Морган Фриман
Морган Фриман омад юлдузини ярим аср кутишига тўғри келди – ҳақиқий шон-шуҳрат унга 52 ёшида “Дейзи хоним ҳайдовчиси” фильмидаги ролидан кейин келди. Бироқ у икки йил олдин “Кўча боласи” фильмида ўзининг биринчи эътиборга лойиқ ролини ўйнаган, ҳатто бу учун“ Оскар”га номзод бўлган.
Ҳозирда актёрнинг 100 дан ортиқ фильмлари бор. Ва бу ажабланарли эмас. Деярли ҳар йили Морган бир нечта лойиҳаларда рол ўйнайди. Актёр 4 марта оила қурган, турмушининг ҳаммасидан икки ўғил ва икки қиз бор.
Ҳелен Миррен
Хелен Миррен театр ва кинода кўп ўйнаган. Бироқ у 61 ёшида “Қиролича” фильмидаги Елизавета II роли учун “Оскар”ни қўлга киритгач, машҳур бўлди.
Ҳозирда актрисанинг фильмографиясида 120 га яқин кино асарлари, шунингдек, кўплаб нуфузли мукофотлар мавжуд. 2013 йилда у ҳатто “Жаҳон кинематографиясига қўшган ҳиссаси учун” фахрий номинациясида Европа Киноакадемияси мукофотига сазовор бўлди.
Шахсий ҳаётида Хелен Голливуднинг энг консерватив аёлларидан бири ҳисобланади. Миррен 1990 йилларнинг охиридан бери режиссёр Тейлор Хекфорд билан бахтли турмуш қурган, аммо эр-хотиннинг фарзандлари йўқ.
Вупи Голдберг
Вупи Голдберг 30 ёшида Стивен Спилбергнинг “Бинафшаранг” фильмидаги дебюти учун “Олтин глобус”га сазовор бўлади. Аммо 5 йилдан сўнг “Руҳ” фильми экранларга чиққач, ҳақиқатда машҳур бўлади.
2018 йилда актрисанинг фильмографиясига 150 га яқин фильм ва сериаллар киритилган. Вупи, шунингдек, бир вақтнинг ўзида тўртта йирик Америка нуфузли мукофотлари билан тақдирланган машҳур шахс ҳисобланади: “Оскар”, “Гремми”, “Эмми” ва “Тони”.
Оилавий ҳаётга келсак, Голдберг уч марта турмушга чиққан. Унинг Элвин Мартин билан биринчи турмушидан Александра исмли қизи бор.
Алан Рикман
42 ёшида театрдаги муваффақиятли чиқиши туфайли Алан Рикман “Чақилмас ёнғоқ” фильмидаги ёвуз қаҳрамон ролини ўйнашга таклиф қилинади, аммо у “Гарри Поттер” сагасида профессор Северус Снейп ролидан сўнг машҳур бўлиб кетади.
Актёрнинг сўнгги иши “Алиса мўжизалар мамлакатида” картинаси бўлиб, фильмда актёр ипак қурти Абсолем ролини ижро этган. 2016 йилда Алан Рикман вафот этади.
Рикман бутун умрини 1965 йилда танишган Рима Хортон билан бирга ўтказди, ўшанда Алан 19, Рима эса 18 ёш бўлган.
Мелисса МакКарти
Мелисса МакКарти стендап комик сифатида саҳналарга чиқиб, сериалларда рол ўйнаган. Аммо 2011 йилда 41 ёшида “Вегасдаги қиз базми” фильмидаги ролидан сўнг машҳур бўлади, шундан кейин “Жосус”, “Шарпа овчилари” фильмларида ҳам асосий ролларни ижро этади.
Ен МакКеллен
Ен МакКеллен фильмларда суратга тушишни 70 йилларда бошлаган, аммо у 2000 йилларда, 60 ёшида бир вақтнинг ўзида иккита машҳур лойиҳада: “Ғаройиб одамлар” (профессор Магнето) ва “Узуклар ҳукмдори” (Гендалф) фильмларида рол ўйнаган ҳолда томошабинлар орасида шуҳрат қозонган.
Мегги Смит
Мегги Смитга келсак, аллақачон иккита “Оскар”га муносиб кўрилган, биринчисини у 1970 йилда 36 ёшида олган, аммо 67 ёшида “Поттер” фильмларида суратга тушганидан кейин оламшумул машҳурликка эришади.
Изоҳ (0)