Тошкент шаҳар Янгиҳаёт туманидаги кўп қаватли бинода кўрпа сабабли уй ёниб кетди. ФВВ бу бўйича маълумотларни тақдим этди.
Унга кўра, 19 июнь куни соат 20:29 да Тошкент шаҳар Янгиҳаёт тумани "Янги Дархон” МФЙ Наво кўчасида жойлашган кўп қаватли уйларнинг юқори қаватидаги хонадонда ёнғин содир бўлгани тўғрисида ФВБга хабар тушган. 4 та ёнғин-қутқарув экипажи ва 2 та автонарвон соат 20:38 да воқеа жойига етиб бориб, ёнғин соат 20:56 да ўраб олинган ва соат 20:59 да ўчирилган.
Ёнғин натижасида 15-қаватдаги хонадоннинг 5 кв/м майдонида кўрпа ёниб зарарланган. Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Мазкур кўп қаватли бинода 18 июнь 16:15 ларда ичида 11 киши бўлган лифт пастга тезлик билан тушиб кетган эди.
Изоҳ (0)