Президент қарори билан Туркий давлатлар билан соддалаштирилган божхона йўлагини жорий этишга оид қарори қабул қилинди.
“Халқаро шартномани тасдиқлаш тўғрисида”ги президент қарорига мувофиқ, Туркий давлатлар ташкилотига аъзо-давлатлар ҳукуматлари ўртасида соддалаштирилган божхона йўлагини жорий этиш тўғрисидаги битим тасдиқланди. Мазкур битим 2022 йил 11 ноябрь куни Самарқанд шаҳрида имзоланган.
Божхона қўмитаси ушбу халқаро шартномани амалга ошириш учун масъул бўлган ваколатли орган этиб белгиланди. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминлайди.
Изоҳ (0)