Ўзбекистонда эндиликда мактаб битирувчилари шаҳодатномаларини электрон тарзда олса бўлади. Бу ҳақда Таълим сифатини назорат қилиш инспекцияси маълум қилди.
Эндиликда битирувчи “э-шаҳодатнома.уз” ахборот тизими орқали ўз шаҳодатномасини 20 июнь кунидан бошлаб онлайн тарзда юклаб олиши мумкин бўлади. 11-синф мактаб битирувчиларнинг шаҳодатнома маълумотлари “Билим ва малакаларни баҳолаш агентлиги” (собиқ DTМ)нинг ОТМ қабул бўйича электрон платформасига интеграция қилинган.
Шу боис олий таълим муассасаларига электрон ҳужжат топшириш жараёнида битирувчининг шаҳодатнома маълумотлари автоматик тарзда тақдим этилади. Битирувчилар шаҳодатномаларини шахсан тақдим этишига эҳтиёж йўқ.
Маълумот ўрнида, жорий ўқув йилида умумтаълим мактабларини 390 мингдан ортиқ битирувчилар тамомлайди.
Изоҳ (0)