Филиппинда бортида 120 нафар йўловчи ва экипаж аъзолари бўлган паром очиқ денгизда ёниб кетди. Бу ҳақда 18 июнь, якшанба куни Соҳил қўриқлаш хизмати вакилларига таяниб, Associated Press хабар берди.
Қайд этилишича, Филиппиннинг Сикигор провинциясидан Боҳол провинциясига сузиб кетаётганда Эсперанза Стар кемасида эрталаб ёнғин чиққан.
Оловни ўчириш ҳамда йўловчилар ва экипажни қутқариш учун иккита кема жўнатилган. Ёнғин беш соат ичида ўчирилиб, одамлар хавфсиз жойга эвакуация қилинган, жабрланганлар йўқ.
Ёнғин сабаблари номаълум. Ҳодиса юзасидан тергов бошланди.
Эслатиб ўтамиз, март ойида Филиппинда Ладй Марй Жой 3 пароми ёниб кетганди, шундан сўнг 31 киши, жумладан, олти бола ҳалок бўлган. Кема бортида жами 250 га яқин одам бўлган.
Изоҳ (0)