24 ноябрь, жума куни Того байроғи остида Япониянинг Тояма портидан Владивостокка кетаётган, ичида Россия экипажи бўлган «Иман» кемасида ёнғин юз берди, деб ёзади «ТАСС».
Автотехникани олиб кетаётган кема экипажи 21 кишидан иборат бўлиб, уларнинг барчаси Россия фуқароларидир. Айни пайтда ёнғин экипаж кучи билан ўчирилган. Жабрланганлар йўқ, экипаж хавф остида эмас.
Аланга кеманинг машиналар бўлмасида юзага келган ва ўт ўчириш тизимлари ёрдамида бартараф этилган. Аммо кема мустақил ҳаракатлана олмайди ва Япон денгизида Владивостокдан 210 миль нарида қолмоқда. Унга ёрдам бериш учун Владивостокдан қутқарув кемаси йўлга чиққан. У ҳодиса жойига 25 ноябрь куни етиб боради ва жабрланган кемани шатакка олиб, Владивостокка қайтади.
Изоҳ (0)