Эд Шираннинг мухлислари орасида машҳур инсонлар ҳам бор. “Тор: Севги ва яшин” фильми юлдузи Крис Хемсворт британиялик хонанданинг ашаддий мухлиси, у шу йилнинг ўзида уч марта Эд Шираннинг концертида иштирок этди.
Актёрнинг иш жадвали тиғиз, бироқ у хонандани жонли эфирда тинглашга вақт топади. Қишда Хемсворт Эднинг Австралиядаги иккита концерт дастурида қатнашди ва яқинда АҚШдаги шоусига борди.
“Мен мухлисман. Мен уни икки марта ўз шаҳримда кўрганман, чунки у Австралияда концерт берган, кейин биз Нью-Йоркка учиб кетдик”, — дейди актёр.
Крис яқинда берган интервьюсида шу ҳақда гапириб берди.
Аслида, Крис Австралияга иш учун борган эди, актёр у ерда бош ролни ижро этган “Тайлер Рейк: Қутқарув операцияси-2” фильмини мухлисларига тақдим этди.
“Премьерага келганимни айтишни истардим, аммо бу Эд Ширан учун эди. Яна мени бу ерга болаларим олиб келди, деб ёзишим ҳам мумкин эди. Бироқ бу ерга ёлғиз ўзим келдим”, — дейди Крис.
Шунингдек актёр ўзини Эд Ширан фан-клубининг президенти деб атаган ва аввал қандай қилиб бу хонанданинг қўшиқларини тингламасдан яшаганини ҳақида айтган.
Бу йил хонанда The Mathematics Tour бўйича гастрол сафарига чиқди. Бу хонанданинг сўнгги альбомларини қўллаб-қувватлаш учун ўтказилди. Биринчи концертлар февраль ойида Австралиянинг Брисбен шаҳрида бўлиб ўтди.
Изоҳ (0)