Машҳур актриса ва хонанда Женнифер Лопеснинг ёш кўриниш сирлари кўплаб мухлислар учун қизиқ. Қуйида унинг ёш кўриниши ва гўзаллик сирлари ҳақида маълумот берилади.
Женнифер Лопес америкалик актриса, қўшиқчи, раққоса, продюсер ва модел. У 1969 йилда Нью-Йоркда туғилган ва ўз фаолиятини мусиқий видеолар ва телекўрсатувларда раққоса сифатида бошлаган. Вақт ўтиб Женнифер Лопес дунёдаги энг машҳур инсонлардан бирига айланди.
Женнифер Лопес соғлом турмуш тарзининг калити — спорт, уйқу, тўғри овқатланиш эканлигини айтган.
Актриса болалигидан спортни, яъни гимнастика ва софтболни яхши кўрарди. У бугунги кунда ҳам соғлом ва жозибадорлигини сақлашга ёрдам берадиган одатларига амал қилишда давом этмоқда.
Доимий жисмоний фаоллик ва нафас машқлари
Лопес эрталабки югуриш, ёга дарси ва 20 дақиқалик медитацияни кун тартибига киргизган. Унинг фитнес дастури мунтазам кардио, рақс ва вазн машқларини ўз ичига олади. Бундан ташқари, Женнифер дам олишга, ташвиш ва безовта фикрлардан халос бўлишга ёрдам берадиган нафас олиш амалиётларини яхши кўради. Уйқу ҳам актрисанинг ҳаётида муҳим рол ўйнайди ва у банд бўлишига қарамай, доимо тўлиқ дам олишга вақт топади.
Парҳез ва эртароқ кечки овқат
Актриса қоматини сақлаб қолиш учун парҳезини кузатиб боради. Тонгги мева қўшилган коктейл билан бошлайди, тушликда оқсилга бой овқатларни афзал кўради: товуқ ёки балиқни гуруч ва ловия билан аралаштириб истеъмол қилади, кечки овқатда эса ўсимлик оқсилига бой озиқ-овқатларни сабзавот билан қўшиб ейди ва кечки овқатни 18:30 дан олдин тановул қилишга ҳаракат қилади.
Терини тозалаш ва ҳимоя қилиш
Терини тозалаш, намлаш ва қуёшдан ҳимояловчи воситалардан фойдаланиш Женнифернинг кундалик юзни парвариш қилишига асосланган учта асосий қоидаси ҳисобланади. У уйдан чиқишни режалаштирмаган бўлса ҳам, ҳеч қачон бу ишларни қилишни унутмайди.
Актриса терини намлаш ва нозик ажинларни текислаш учун зайтун комплексли сивороткага мурожаат қилади. У бу воситани юзи, бўйни ва ҳатто қулоқларига суртади. Женнифер Лопес сочини парвариш қилишда кўпинча кокос мойидан фойдаланади, бу эса сочларини мукаммал намлашга ёрдам беради.
Сизни янада чиройли кўрсатадиган макияж
Женнифер Лопес кўзларига жигарранг ва кулранг тенни суртишни афзал кўради. Шу билан бирга лабларига табиийроқ рангдаги лаб бўёғини суртади. Агар актриса лабларига ёрқинроқ рангдаги лаб бўёғини суртса, кўзларини тўқ рангдаги тен билан бўяйди. Актриса кўзларини оқ ёки марварид рангидаги қалам билан бўяшни яхши кўради.
Женнифер Лопес ҳар қандай макияжда ўзининг терисига шафтоли рангидаги румяна суртишни яхши кўради, бу эса унинг юзига янги, соғлом ва ёрқин кўриниш беради.
Женнифер Лопес агар инсон бахтсиз бўлса, ҳеч қандай макияж буни яшира олмаслигини айтган. Макияж қанчалик чиройли бўлишидан қатъи назар, инсонлар бари бир сиз ҳис қилган нарсани кўради. Шунинг учун, косметикадан юзингизни яшириш учун эмас, чиройли кўришингизни таъкидлаш учун фойдаланиш керак.
Кийиниш услуби
Женнифер Лопес кўпинча калта топиклар, мини-кўйлаклар, тор жинсилар кийишни маъқул кўради. Бироқ, агар сиз актриса услубининг эволюциясини таҳлил қилсангиз, у аста-секин қандай ўзгарганини кўришингиз мумкин.
Масалан, 2000 йилларнинг бошларида Женнифер Лопеснинг кийиниш услуби умуман бошқача эди: у бўйинбоғ таққан, спорт-шик услубидаги либосларни ва тор кўйлакларни кийган. Вақт ўтиб актрисанинг услуби янада классик ва яхши кўринишга эга бўлди. У кўпроқ классик услублар ва комбинацияларни танлади, бироқ шу билан бирга ўзининг образини сақлаб қолди.
Женнифер унинг дидига вояга етган жойи таъсир қилганини айтган.
“Ҳа, мен Бронксданман ва ҳали ҳам билагузуклар ва катта ҳалқалар тақишни яхши кўраман”, — дейди актриса.
Актрисанинг шахсий хислатлари
Женнифер Лопес ўзининг иродали ва қатъиятлилиги билан машҳур. У агар чиндан ҳам хоҳласангиз ва имкон қадар кўпроқ ҳаракат қилсангиз, ҳамма ишнинг уддасидан чиқиш мумкинлигига ишонади. Хонанданинг руҳи оғир дамларда ҳам синмайди, у нима бўлишидан қатъи назар, ўз мақсадлари сари боришда давом этади.
Женнифер ўзини раққоса сифатида синаб кўрган пайтларда кўпчилик унга ҳеч нарсага эриша олмаслигини, ҳеч қачон муваффақият қозонмаслигини айтган. Бироқ у бу сўзларни қанчалик кўп эшитган бўлса ҳам, мақсадига эриша олишини тушуниб етди.
“Мен бахтни ташқаридан топаман, уни менга бошқа инсон бериши мумкин, деб ўйлагандим. Кейин бундай эмаслигини англадим. Агар сиз ўзингизни қадрласангиз ва қадрингизни тушуниб етсангиз, энг бахтли инсонга айланасиз”, — дейди Женнифер Лопес.
Изоҳ (0)