“Ўргимчак одам” фильми мухлислари ушбу қаҳрамон уч актёр томонидан гавдалантирилганини яхши билади. Маълум бўлишича, Том Ҳолланд, Эндрю Гарфилд ва Тоби Магуайр яширинча суҳбатлашиб туради.
“Ўргимчак одам” ролини гавдалантирган актёр Том Ҳолланд яқинда берган интервьюларининг бирида лойиҳанинг сўнгги қисми чиққандан буён Тоби Магуайр ва Эндрю Гарфилд билан яқин алоқада эканини айтди.
“Ушбу ноёб саёҳатни биргаликда босиб ўтдик ва ажойиб ришталарни яратдик. Биз ҳақиқатан ҳам ака-укалардекмиз. Вақти-вақти билан суҳбатлашадиган чатимиз бор, у ‘Ўргимчак болалар’ деб номланади”, — дейди актёр.
Маълум бўлишича, уларнинг охирги суҳбати Том Ҳолланднинг Лондонда ўтказилган The Brothers Trust хайрия тадбиридаги иштироки бўлган. У ҳамкасбларидан ким ошди савдосида сотиладиган бир нечта плакатларга имзо чекишни сўраган.
“Улар менга ёрдам берганидан хурсанд эди”, — дейди Том Ҳолланд.
Бундан ташқари, Том маслаҳат олиш учун Бенедикт Кембербетчга мурожаат қилади, сабаби у актёр билан қўшни.
Изоҳ (0)