Кўпчиликнинг ёшлигида характерига яраша лақаби бўлган. Юлдузлар ҳам бундан мустасно эмас. Крис Пратт болалигида маймун деб масхара қилинган, яна бир актрисани эса дўстлари кампир деб аташган.
Дэниэл Редклифф — криветка
Интервьюларидан бирида Дэниэл уни криветка деб аташганини айтади. Бунинг сабаби ёшлигида рангпар ва озғин бола бўлган.
Софи Лорен — таёқ
Лорен 15 ёшидаёқ онасининг талаби билан гўзаллик танловида қатнашган ва ҳатто финалга ҳам чиққан. Бироқ бўлажак актриса ўзини гўзал деб ҳисобламаган — тенгдошлари уни таёқ ёки тиш ковлагич деб аташган.
Крис Пратт — маймун
Крис бу лақабни болалигида отаси қўйганини айтади: “Бошим кичкина эди, лекин қулоқларим ва тишларим ҳозиргидек бўлган. Устига устак сакрашни ёқтирардим. Шу тариқа мана шу лақабни орттириб олганман”.
Райан Гослинг — сичқонча
Райаннинг синфдошлари уни сичқонча деб аташган, чунки у Мickey Mouse Club истеъдодлилар шоусида қатнашган. Бир интервьюда актёр бу лақаб билан болалар уни масхара қилишмаганини, аксинча, унинг шоуда қатнашганидан хурсанд бўлишганини тан олади.
Дев Пател — гулбарг
“Мериголд меҳмонхонаси” фильмининг суратга олиш пайтида актёр Петал (гулбарг) лақабини олади. Лақабни унга фильмда рол ўйнаган Мегги Смит қўяди. Эҳтимол, барчаси Пател (актёрнинг фамилияси) ва петал (инглиз тилида “гулбарг”) сўзларининг уйғунлиги туфайлидир.
Леа Мишел – кампир
Актрисанинг ўзи нима учун дўстлари унга бундай лақаб қўйганини тушунтиради: “Мен бошқаларга ёқадиган нарсалар — клубларни ва баланд мусиқани ёқтирмайман. Бунинг ўрнига ётоқда ётиб, мушугим билан кўрсатув томоша қилишни афзал кўраман”.
Ник Жонас — Жонас бобо
Бу Приянка Чопра томонидан эрига берилган лақаб. Бу ҳолатнинг кулгили томони шундаки, Ник хотинидан 10 ёш кичик. У буни шундай изоҳлайди: “Унинг қалби жуда кекса, у доно ва ақлли. Мен ҳар доим хоҳлаганимни қиламан ва у мени доим қўллаб-қувватлайди”.
Криштиану Роналду — йиғлоқи
Бунга ишониш қийин, лекин болалигида спорт афсонаси йиғлоқи лақабини олган. Криштианунинг онаси бу ҳақда шундай дейди: “Ҳар сафар жамоадошлари унга тўп узатмаганида, у ёки ўйинчилардан бири голли узатмани ўтказиб юборганида унинг кўзлари ёшга тўларди. Ёки бошқалар у хоҳлагандек ўйнамаса ҳам ўғлим йиғларди”.
Женнифер Энистон — доктор Энистон
Актрисанинг дугонаси Кристин Хан дўстлари Женифферга бошқаларга ёрдам беришни яхши кўргани учун шундай лақаб қўйишганини айтади. Кристин шундай дейди: “Агар унга муаммонгизни айтсангиз, у буни мамнуният билан ҳал қилади, бутун вақти ва кучини шунга сарфлайди. Қандай муаммолиги аҳамиятсиз”.
Изоҳ (0)