Ҳар бир инсоннинг ўзига хос кунлик калория миқдори бор. Бу жинс, ёш, бўй, вазн, фаоллик ва бошқа кўплаб омилларга боғлиқ. Аммо ўртача ҳисобда аёлларга кунига 1600-1800 калория истеъмол қилиш тавсия этилади.
Албатта, вақти-вақти билан ҳар бир киши меъёрдан ортиқча овқатланадиган кунлар бўлади. Тиббий тадқиқотларга кўра, бундай бузилишлар ўзларининг биоритмларига риоя қилмайдиган ва етарлича ухламайдиган одамларда кўпроқ учрайди.
Тўғри, соат 23:00 дан олдин ётиш ва 7-8 соатлик дам олиш ҳақидаги тавсияларга амал қилиш жуда қийин. Айниқса, севимли сериалнинг янги эпизоди чиққанда ёки ижтимоий тармоқлардаги чексиз тасмани айланиб чиқишдан чалғиш ҳам осон эмас.
Шунга қарамай, уйқу пайтида организм очлик ҳисси учун жавоб берадиган лептин гормонини ишлаб чиқаришини унутмаслигимиз керак. Биз етарлича ухламаганимизда, лептин синтези пасаяди. Аммо “иштаҳа гормони” грелин синтези кучаяди! Айнан шу ҳодиса уйқусиз тундан кейин овқатга бўлган иштиёқнинг кучайишини англатади.
Иложи борича тезроқ ўринга ётиш учун кўпроқ мотивация хоҳлайсизми? Унда бу рақамларни эслаб қолинг! Уйқусиз тун давомида организм уйқудаги вақтга қараганда 160 ккал кўпроқ сарфлайди. Бироқ эртаси куни уйғоқ бўлганингизда бир лаҳзада ушбу қўшимча захирани дарҳол сарфлаб юборасиз. Зеро, тадқиқот жараёнида аниқланганидек 4 соатлик уйқу режимига ҳам мунтазам, ҳам даврий риоя қилиш инсоннинг иштаҳани кунига тахминан 900 ккалга оширади. Бир тасаввур қилинг-а, агар сиз тун бўйи ухламасангиз, қанча овқат ейишингиз мумкин? Ёки мунтазам равишда уйқусизликдан азият чексангиз-чи? Шунинг учун уйқу муаммолари ортиқча вазннинг асосий сабабларидан бири ҳисобланади.
Изоҳ (0)